Jibadek Jel̦ãl̦o̦kjen̦ eo jãn Anij

UNIN AN AORÕK KÕL IN: Ri-Kaki eo Em̦m̦antata, Jeova, ej letok ñan kõj jel̦ãl̦o̦kjen̦ eo me ej make wõt em̦m̦antata. Ej katakin kõj kilen kakõm̦anm̦anl̦o̦k mour ko ad im ej kõpooj kõj ñan juon ilju im jekl̦aj me ekanooj in em̦m̦an. Aolep men kein ej litok ilo ejjel̦o̦k on̦ããn! (Ais 11:6-9; 30:20, 21, UBS; Rev 22:17) Bareinwõt jel̦ãl̦o̦kjen̦ eo Jeova ej letok, ej jipañ kõj bwe jen jel̦ã kilen kwal̦o̦k ñan ro jet kõn ennaan eo me ej lo̦mo̦o̦ren mour ko an armej.​—2Ko 3:5, UBS.

KILEN KÕM̦M̦ANE:

• Kammineneik ak kate eok ñan kwal̦o̦k kadkadin ettã bõro.​—Sam 25:8, 9

• Kortokjãn wãween ko Jeova ej katakin im kammineneik eok kiiõ, ãinwõt ikijjeen katak ko am̦ ilo jikuul̦ eo ilo kweilo̦k eo ilo lukwõl̦pãn wiik

• Kõm̦m̦an mejãnkajjik ko ñan kal̦apl̦o̦k ijo kun̦aam̦ ñan Jeova.​—Pil 3:13, UBS

• Lale ta ko kwõmaroñ kaarmejjeteiki bwe kwõn maroñ kal̦apl̦o̦k am̦ bõk kamminene jãn Jeova.​—Pil 3:8, UBS

ALWÕJE PIJA EO ETAN SPIRITUALLY RICH BY JEHOVAH’S TEACHING, IM UWAAKE KAJJITÕK KEIN:

• Ta men ko reppen me jet ri-kwal̦o̦k ro rar anjo̦ ioer bwe ren maroñ pãd ilo Jikuul̦ eo ñan Ri-Kwal̦o̦k Naan ro an Aelõñ Eo?

• Ewi wãween an Jikuul̦ eo ñan Ri-Kwal̦o̦k Naan ro an Aelõñ Eo katakin im kammineneik ri-kwal̦o̦k ro?

• Ewi wãween an ro ilo eklejia ko kar jipañ ri-kwal̦o̦k ro rar kadiwõjl̦o̦k jãn jikuul̦ in ilo jerbal eo aer ekããl?

• Ta ko juon ej aikuj kõm̦m̦ani m̦okta bwe en maroñ pãd ilo Jikuul̦ eo ñan Ri-Kwal̦o̦k Naan ro an Aelõñ Eo? (kr-E 189)

• Ta wãween ko jet kwõmaroñ bõk kamminene jãni ilo doulul in an Jeova?