MOURIN KŨRJIN
Kwõm̦õn̦õn̦õ Ke in Kanne ñan Am̦ Pãd ilo Jikuul̦ eo ñan Ri-Kwal̦o̦k Naan ro an Aelõñ Eo?
Kwõj ke pãd ikõtaan iiõ kein 23 im 65 im pãd ilo jerbalin full-time? Em̦m̦an ke ãjmour n̦e am̦, im kwõj maroñ ke jerbal ilo jabdewõt jikin me el̦ap aikuj jipañ ie? El̦aññe uwaak eo am̦ ej aet ñan kajjitõk kein, kwõnañin ke kar l̦õmn̦ak in kanne ñan am̦ pãd ilo Jikuul̦ eo ñan Ri-Kwal̦o̦k Naan ro an Aelõñ Eo? Jãn kar kilaaj eo m̦oktata kar kõm̦m̦ane, elõñ to̦ujin rippãlele ro, ekoba likao im jiroñ ro me rejjañin m̦are rekar kanne ñan jikuul̦ in. Ijoke, jelukkuun aikuji an elõñl̦o̦k likao ak em̦m̦aan ro me rejjañin m̦are kanne ñan jikuul̦ in. Kajjitõk bwe Jeova en kal̦apl̦o̦k kõn̦aan eo ippam̦ ñan kam̦õn̦õn̦õik bũruon im ñan anõke Nejin. (Sam 40:8; Mt 20:28; Hi 10:7) Innem l̦õmn̦ak kõn wãween ko kwõmaroñ kadikl̦o̦k men ko kwõj kõm̦m̦ani ilo jikin jerbal eo am̦ ak ilo mour eo am̦ make bwe kwõn maroñ juon eo ekkar ñan aer bõke.
Ta jeraam̦m̦an ko repel̦l̦o̦k ñan ro em̦õj aer kadduojl̦o̦k ãlikin aer bõk kamminene ilo jikuul̦ in? Jet iaan rein kar karõk bwe ren jerbal ilo jikin ko me rej kõnono kajin ko jet ak bõk kun̦aaer ilo jerbalin kwal̦o̦k naan eo ilo̦bwilej me ejejuwaan (special metropolitan public witnessing). Ri-kadduojl̦o̦k ro jet rar tokãlik bõk jerbalin pinej jenkwan (substitute) em̦m̦aan ro rej lol̦o̦k eklejia ko, bõk jerbalin lol̦o̦k eklejia ko, ak bõk jerbalin mijinede. Ilo am̦ l̦õmn̦ak kõn wãween kein ilo jerbal eo an Jeova, kwõn juon eo me ej ãinwõt ñe ej bar kwal̦o̦k ejja naan kein me ri-kanaan Aiseia ear ba: “Ña e; Kwõn jilkinl̦o̦k eõ.”—Ais 6:8.
ALWÕJE PIJA EO ETAN FIELD MISSIONARIES—WORKERS IN THE HARVEST, INNEM UWAAKI KAJJITÕK KEIN:
Ewi wãween aer kããlõt ro rej bõk jerbalin mijinede?
Ta jerbal eo em̦m̦an mijinede ro rej kõm̦m̦ane?
Ta jet iaan jeraam̦m̦an ko ilo jerbalin mijinede?