Program eo Ekãl an Special Assembly Day eo

Unin tel eo an special assembly day program eo ilo yiõ in ej: “Kabukõt Men ko Remũlal an Anij.” (1 Kor. 2:10) Ta men ko raorõk jenaj katak kaki?

Ilo jibadbad eo air ñan bõk jelãlokjen, elõñ armij rejjab bõk aemololo jen ta eo rej loe. Bible eo ej kakajur kij, einwõt circuit overseer eo enaj kwalok kake ilo katak eo an “Etale Nan in Anij ej Bõktok Kaemololo.” Ri lotok ri konono eo enaj kwalok kõtan eo ikõtan kabukõt men ko remũlal an Anij im kwalok kin news eo emõn ñe ej etale kajitõk eo “Ewi Wãwen Kwoj Watõk Jerbal in Kwalok Nan kin Ailiñ eo?”

Ewi wãwen ro jemen im jinen remaroñ jibañ ro nejiir bwe en mũlal air kũb Nan eo an Anij? Renaj letok nan in rejañ ko rekeie ilo katak eo “Kadeloñ Nan in Anij ilo Buruen Ro Nejõm.” Ej jelet Christian jodikdik ro ilo juõn wãwen emõn ñe rej kamao ibben ro reritto ilo congregation eo. Wanjoñok ko ikijen ewi wãwen ej jelet ir ilo emõn renaj kalikari ilo katak eo “Jodikdik Ro Rej Katak Jen Ro Rerittolok.”

Jehovah ej E Eo ej Kwalok men in ittino ko. Etke jej aikwij kate kij ñan kabukõt mweiuk ko rittino ilo jitõb ilo ien in? Ri lotok ri konono eo enaj kamelele kin ta eo Jehovah ear kwalok kake ilo ien ko etto im ilo ran kein ilo katak eo “Jidik kin Jidik Jehovah Ej Kalikar Men ko Remũlal.” Men in enaj kakajur bebe eo ad ñan wõnmanlok im “kabukõt men ko remũlal an Anij.”

Kõmman karõk ko kiõ ñan bed ilo kwelok ko. Ro rekõnan kwalok wujleplok eo air ñan Jehovah ilo air baptais ren kejelãik presiding overseer eo ilo ien eo emõkajtata. Kõnan eo ad jen buru ñan etale Nan in Anij enaj kajurlok kin ta eo jej roñjake. Inem kwon jab jako jen ran in ejej uan kin nan in kibel ko ilo jitõb!