Program eo Ekãl an Special Assembly Day eo

“Ilo Lolãtãt Komin Ridto Ro” ej unin tel eo an program in special assembly day eo ijjino ilo September 2000. (1 Kor. 14:20) Etke eaorõk ñan ad bed ilo kwelok eo? Jej bed ilo juõn lal eobrak kin nana. Ñan jumae men in, jej aikwij kaddek lolãtãt eo ad ilo jitõb bwe jen maroñ anjo ion nana kin emõn. Eñin men eo program in special assembly day eo enaj jibañ kij ñan ad kõmmane.

Ilo jinoin program eo, circuit overseer eo enaj bwebwenato kin “Kein Jibañ ko ñan Erom Ritto ro ilo Lolãtãt in Bible.” Enaj kwalok ñan kij kilen ad maroñ bin wõt ilo tõmak in Christian. Ri lotok ri konono eo enaj kalikar ewi wãwen ad jerbale nan in kakabilek ko ilo Bible eaorõk ñan kaddek lolokjen, ke ej konono kin unin tel eo “Kejbãrok Mour in Jitõb ilo Am Kamineneik Kajur in Jelãlokjen ko Am.”

Ro redik bareinwõt rej aikwij kaddek lolãtãt ko air. Men in renaj etale ilo katak ko “Etke Ilo Junmare Komin Niñniñ” im “Jodikdik Ro Me Rej Bõk Jelãlokjen Kiõ.” Roñjake an jodikdik ro ba kin ta ko rej kõmmani ñan kakajurlok ir make ilo jitõb bwe ren maroñ debij jabdewõt kõnan ñan jelã kin makitkit ko renana an lal in im bõprae air ion jorrãn.

Ewi wãwen jemaroñ lo mõnõnõ eo elaptata ilo mour? Ri lotok ri konono eo enaj kamelele kin men in ilo katak eo eliktata “Bõk Tokjen Jen Am Jerbale Nan in Kakabilek ko jen Bible ilo Jelãlokjen.” Enaj bõkmantak wanjoñok ko ñan kwalok bwe jerbale Nan in Anij emaroñ jibañ kij ñan kamadmõde abañ ko, kõmman bebe ko, im lukkun mol ad bõk tokjen jen men ko Jehovah ej katakini kij.

Ro rekõnan kalikar wujleplok eo air ñan Anij ikijen baptais ilo den ilo assembly eo ren kejelã presiding overseer eo ilo ien eo emõkajtata. Kakõlleik calendar eo am ñe rej kejelã kin ran in special assembly day eo, im kõmman karõk ko ñan bõk tokjen jen program in emõn. Kwon jab jako jen jabdewõt mõttan ko ilo special assembly day in! Enaj kakajur yuk ñan kijenmij ilo jukjuk im bed in enana im tiljek wõt ñan Jehovah.