Program eo Ekãl an Special Assembly Day eo

Unin tel in program eo an special assembly day eo ñan yiõ in jerbal eo ekãl ewõr juõn bedbed ebin ekkar ñan Jeje Ko: “Komin Kõttãik Kom ñan Anij​​—Komin Jumae Devil eo.” (Jem. 4:7) Rej nan in tel ko rejejjet ñan ien kein rebin! Ad bokake kien ko an Anij enaj kõmman ad jelmae jumae eo an Satan. Program eo enaj katakin kij kilen jutak bin nae karõk ko renana im rej kokkure tõmak me Devil eo ej kajerbali. Ta jet ian mweiuk ko raorõk ilo jitõb jenaj bõki ilo assembly in?

Circuit overseer eo enaj kwalok kin ewi wãwen “Kwalok Kiblie eo Ekwojarjar einwõt Ro Uan Family eo” enaj kakajur family ko ñan jutak bin nae ijjibed ko an lal in. Katak eo moktata ri lotok eo enaj kwaloke ilo ran eo, “Ta Melelen ñan Jumae Devil eo,” enaj kamelele kin etke im ewi wãwen jej aikwij kate kij ñan jumae mejenkajjik eo an Satan ñan kokkure mour in jitõb eo ad. Ruo katak ko kar eiki elaptata ñan jodikdik ro, ro rej bareinwõt aikwij ekkõl wõt ñan madmõd ko an Devil eo. Elõñ Ri Christian ro me rej ritto kiõ rar makoko in lor kõnan ko an lal in ke rar jodikdik. Jenaj mõnõnõ in roñ kin experience ko air.

Kiblie ñan ri utiej ro ej juõn men in aikwij an aolep ro rej ejaak in jukjuk im bed in armij. Kin men in, katak eo eliktata an ri lotok eo naj kwalok kin emen jikin ko ijo jej aikwij kwalok kiblie eo ad ekwojarjar: (1) ñan kien ko, (2) ilo congregation eo, (3) ilo jikin jerbal ko, im (4) ilo dolul in family eo. Ej juõn program elap an keie!

Ro rekõnan baptais ilo special assembly day in rej aikwij kejelã presiding overseer eo ilo ien eo emõkajtata. Kij aolep aikwij kakõlleik ran eo ilo calendar eo ad im karõk ñan bed ilo aolepen program in assembly eo. Jerammõn ko jenaj bõki renaj indio ke jej kõttãik kij ñan Jehovah.