Lajrõkin Kwelok eo Elap Iomin Juõn Ran ilo 2010
1. (a) Ta jet ian unin tel ko jen Baibel kin kwelok eo elap im rar karõki ilo yiõ ko remotlok? (b) Kwar ke bõk jibõñ ilo am kwalok nan jen kwelok eo elap iomin juõn ran ilo ien ko lok?
1 “Komin Melejoñ Men ko Relijiklok,” “Jutõk Bin kin Juõn Wõt Lemnok,” “Komin Kennan Wõt kin Mol Eo,” “Jeova, Kim Kle, im Kwe Am Potter.” (Pil. 1:9, 10, 27, UBS; Jon 18:37; Ais. 64:8) Eñin jet ian katak ko rar walok ilo kwelok ko relap iomin juõn ran ilo yiõ ko lok. Kwoj kijorur ke in ber ilo kwelok eo elap iomin juõn ran ilo yiõ in jerbal in 2010? Enaj kalikar unin tel in: “Ekaru Ien Jen Kiõ,” eo ej itõk jen 1 Korint 7:29.
2. Ewi wãwen jemaroñ kalek kijejeto kin kwelok in?
2 Jino kalek kijejeto an congregation eo am kin kwelok eo elap iomin juõn ran ilo ien eo rej bõk kajela eo kin ien eo kwelok in enaj walok. Ñõn jibõñ ajiri ro nejiir reimanlok ñõn ien in, jet ridto ro rej kakõleiki calendar eo air im jei men ko renaj aikwij in kapoji, inem bwini ran ko ñõn ien eo. Ilo ien Kabuñ an Baamle eo am, kwomaroñ eliji men ko kwar katak kaki jen kwelok ko ilo ien ko lok. Kwomaroñ kapoje buruõm kin ien in ilo am eliji buk in Jikuul in Kwalok Nan eo (ejelok ilo kajin Majõl) peij 13-16, ñõn jibõñ yuk im baamle eo am “lale kijkan ami roñjake.” —Luk 8:18.
3. Ñõn lukkun bõk tokjen kwelok eo ta men ko jemaroñ kõmõni?
3 Jerbali Men ko Kwar Katak: Nan ko ekkã an walok mwijin juõn kwelok elap ej, “Elukkun emõn katak ko!” Emol nan kein kinke ej juõn ian menin letok ko remõn jen Jeova. (Ken. 10:22) Bwe katak ko ren jebar leen ko remõn, kwonaj aikwij kalomõnlokjen kaki im drebiji wõt. (Luk 8:15) Ilo ien ami rol ñõn mweo imõmi, bõk ien ñõn eliji katak ko iben baamle eo am ak iben ro rej uwe ilo wa eo waam. Kwalok mejenkajik ko ami kajjojo im ta men ko naj jibõñ yuk ilo am jerbal in kwalok nan. Am eindrein enaj kalaplok tokjen katak ko kwar bõki iomin elõñ yiõ ko.—Jem. 1:25.
4. Etke kwelok in enaj lukkun emõn ñõn kij?
4 Ñe jej bõk juõn menin letok emõn im ejejit ekar ñõn ar aikwij, jej lukkun mõnõnõ. Ejjab wãwen drein ke ar kõtõmene ilo ar reimanlok ñõn kwelok eo elap iomin juõn ran? Jej liki bwe enaj jibõñ kij ilo aolep wãwen ko. Jemaroñ liki bwe Jemeruij ilõñ, Jeova, enaj letok juõn menin letok ejejit ikijen nan in kakajur ko im katak ko remõn bwe en kamaroñ kij ilo jerbal eo ear letoke bwe jen kõmõne.—2 Tim. 4:2; Jem. 1:17.