Karõk eo Ekãl ñan Elij Program in Assembly ko
Ke lal eo an Satan ej wõnmanlok jen nana ñan lukkun nana, Jehovah ej kakajur kij ñan “karmijete jerawiwi im mõm ko an lõl, im bwe jen mour im jadõr im jimewõt, im kwojarjar ilo lõl in.” (Taitõs 2:12) Ibwiljin karõk ko ej kõmmani ikijen “dri korijer e tiljek im meletlet” rej program ko kajjojo yiõ kin circuit assembly im ran in special assembly. (Mat. 24:45) Kwelok kein kin men ko lor jitõb elap air kakajur kij!
Ñan jibañ kij kememej im jerbale nan in kakabilek ko kar litoki ñan kij, ilo 2005 yiõ in jerbal eo jenaj kajerbal juõn karõk ekãl ñan elij assembly program ko. Ilo peij 5-6 ilo insert in (peij eo iloa) ewõr katak ko me rej kwalok jidik kin ta ko renaj walok ilo program ko im bareinwõt kajitõk ko ñan elij program in assembly ko kajjojo. Congregation ko renaj etale katak in ilo Service Meeting eo mokta lok im ejjabto elikin air bed ilo assembly ko air. Ewi wãwen air naj karõke?
Juõn ak ruo week ko mokta jen an congregation eo bed ilo circuit assembly eo, juõn katak joñoul minute aetokin me ej wawa ion katak eo “Program eo Ekãl kin Circuit Assembly eo” enaj walok ilo Service Meeting eo ñan kaitoklimoen armij kin program eo. Eo ej kwalok katak eo en jitõñlok ñan kajitõk in elij ko im rejañ aolep ñan jeje note ko ñan air kebojak ñan ien elij eo me enaj walok jet week ko elikin assembly eo.
Jejjo week ko elikin assembly eo, renaj kobaik ilo Service Meeting eo juõn elij 15-minute aetokin kin ran eo kein kajuõn an program in assembly eo. Ilo week eo tok juõn, jenaj elij kin ran eo kein karuo an program eo iumin 15 minute. Kajitõk in elij ko rej walok ilo insert in naj jerbal einwõt bedbed in bwebwenato kein. Elij eo en lale tokjen eo ekeie kin melele eo. Elder ro remaroñ kakadu lok, jolok, ak lemanlok mõttan ko jet ilo Service Meeting eo ñan najikin ien elij kein.
Ejja karõk eo wõt renaj lore ikijen program in ran in special assembly eo, ak oktak eo in bwe enaj wõr juõn wõt katak 15-minute aetokin ñan elij aolepen program eo. Kij aolep aikwij kejbãrok insert in ñan bõk tokjen jen nan in jiroñ ko remõn me Jehovah ej litoki ñan kij.—Ais. 48:17, 18.