“A Emõn Melejoñ Ir Mokta”—Ewi Wãwen?
1 Kinke dolul eo an Jehovah ej eddeklok wõt, ewõr juõn aikwij kin brother ro retellokiir ñan jerbal einwõt ministerial servant ro. Jarlepju in brother ro me ejañin kowãppen ir, ekoba jodikdik ro, ewõr air kõnan ñan jerbal ilo congregation eo. Ñe rej lelok ñan ir jerbal ko jet, rej eñjake air wõr tokjeir im ewõr tõbrak ilo air mour. Wõnmanlok ko jet air rej wawa ion air “melejoñ ir mokta.” (1 Tim. 3:10) Ewi wãwen rej kõtõbrak men in?
2 Jerbal eo an Elder ro: Einwõt mõttan in air melejoñe juõn brother ekkar ñan men in aikwij ko ilo Jeje Ko kin ministerial servant ro einwõt jemaroñ loe ilo 1 Timote 3:8-13, elder ro renaj melejoñe maroñ eo an brother eo ñan inek eddo ko. Remaroñ karõk bwe en kõmmane jet jerbal ko einwõt ajeji magazine im book ko, leto-letak microphone ko, kejbãrok Kingdom Hall eo, im men ko eierlok wõt. Elder ro renaj lale wãwen eo ej emmakit ñan im kajejjet jerbal ko an. Renaj bukõt ilo e kadkad ko einwõt air maroñ liki e, ej kajejjet awa ko, etiljek, ettã buruen, ewõr jitõb in mõnõnõ, im maroñ eo ñan an jerbal ibben ro jet. (Pil. 2:20) Ej juõn joñok emõn ke ikijen ballin im baotokin? Ej jelã ke bõk eddo ko? Rekõnan lo an “kwalok, kin an kõmõn emõn, jerbal ko an ilo inimõn in meletlet.” (Jem. 3:13) Ej mol an kate e ke bwe en jibañ congregation eo? Ej kajejjet ke kien eo an Jesus ñan “kõmõn dri ailiñ ko otemjej bwe ren dri kalora” ilo an kijejeto ilo jerbal in kwalok nan?—Mat. 28:19; lale September 1, 1990, Watchtower ilo kajin English, peij 18-28.
3 Meñe Bible ejjab kwalok dettanin juõn eo remaroñ kowãppene einwõt juõn ministerial servant, ak ej konono kin brother rein einwõt “emaan ro rej jerbal.” Jejamin kõtmene bwe ren jodikdik ro redik, elaptata kin an Bible ba bwe emaroñ wõr lio belen im ro nejin. (1 Tim. 3:12, 13) Emaan rein rejamin bo ilo “mõm ko an likao” ak rej aikwij kõmman bwe en emõn mwiliir, im wõr juõn jutak emõn im juõn bõklikit erreo iman Anij im armij.—2 Tim. 2:22.
4 Meñe maroñ eo kwar lotak kake ekeie, ak ej lemnak im jitõb an juõn me eaorõktata. Juõn brother ilo ettã buru ekõnan ke nebar Anij im karejar ñan ro jein im jatin? Elañe eindein, Jehovah enaj kajerammõn jibadbad ko an ñan kõmman wõnmanlok ilo congregation eo.