Kein Jerbal ko me Rej Katakin, Kamakit, im Kakajur
1 Rekajur ñan katakin armij kin Bible eo im kin ri Kennan ro an Jehovah. Rar kamakit elõñ ñan jutak bin kin mol eo. Rar kakajurlok tõmak im kamolol eo an armij ro an Anij emwij wujleplok air mour. Ta kein? Video ko kõmman in dolul eo an Jehovah. Kwonañin aluiji ke aolepen joñoul iair? Ñããt eo eliktata? Kwoj kajerbali ke ilo am kwalok nan? Eo kein kajoñoul juõn, Our Whole Association of Brothers, kar kwalok kake ilo district convention eo. Emwij ke am order juõn am copy? Ewi wãwen an maroñ laplok am bõk tokjen jen kein jerbal kein raibujuij?
2 Ilo October 1, 1999, Imõniaroñroñ, (July 1, 1999, Watchtower ilo kajin English) katak eo “Ekkeini Katak Nan in Anij Einwõt Juõn Family” ear rejañ kij ñan “kajenolok mõttan in ien katak eo ñan aluij juõn ian video ko an Society . . . inem bwebwenato kake.” Ilo errã ibben nan in rejañ in emõn, kajjo video ko renaj kwalok kake ilo Service Meeting eo aolep elikin juõn alliñ. Kimij rejañ aolep ilo congregation eo ñan aluije video eo ilo moko imwiir mokta lok jen etale ilo Service Meeting eo.
3 Alliñ in jenaj jinoe kin video eo moktata kim ar kõmmane, Jehovah’s Witnesses—The Organization Behind the Name. Aluij im roñjake kin uak ko ñan kajitõk kein:
◼ Kin ta eo elap an jelã kajjen ri Kennan ro an Jehovah kake?
◼ Aolep men ko rej kõmmani ilo Bethel rej ekkejel ion eon ta eo?
◼ Bwebwenato ta eo ilo Bible kwar lo air kõmmane ion stage eo, pijaiki, im unoiki ñan kajerbale ilo book ko?
◼ Ta men eo ej kabwilõñ yuk kin wãwen eo rej keboje book ko ad?
◼ Jen 1920 ñan 1990, jete mõttan in book ko Society eo ear kõmmani?
◼ Wõn ro elaptata ian armij ro an Anij ren jibadõk ber ren maroñ jerbal ilo Bethel?—Ken. 20:29.
◼ Ilo wãwen ta ko family in Bethel ej likit joñok eo emõntata ñan aolep ri Kennan ro an Jehovah?
◼ Ta eo ej kabwilõñ yuk kin jerbal eo rej kõmmane ilo Bethel ñan jibadõk armij joñan wõt ad maroñ kin news eo emõn?
◼ Ewi wãwen rej kabwe expenses ko an jerbal eo ad ibelakin lal?
◼ Jerbal ta eo jemaroñ jurake ilo kijejeto, im kin jitõb et eo?—Jon 4:35; Jerbal 1:8.
◼ Ewi lemnak eo am kin dolul eo ej bed ilikin ãt eo ad?
◼ Ewi wãwen kwomaroñ kajerbal video in ilo jerbal in kwalok nan eo am?
Ilo December jenaj etale video eo The Bible—Accurate History, Reliable Prophecy.