Kilen bwe En Em̦m̦anl̦o̦k Wõt ad Kwal̦o̦k Naan​—Kõjerbal Pijain Alwõj ko ñan Katakin Armej

UNIN AN AORÕK KÕL IN:

Epidodo an pijain alwõj ko kõm̦akũt bũruon armej ro. Etke? Kõnke armej el̦ap aer itoklimo kõn men ko rej loi im roñjaki, im epen aer mel̦o̦kl̦o̦ki men kein. Jeova ejel̦ã kõn men in im ear likũt juon joñak em̦m̦an ñan kõj ilo an kar kõjerbal pijen ko ñan katakin armej ro.​—Jrb 10:9-16, UBS; Rev 1:1.

Kõn men in, kar kobaik jet pijain alwõj ko ilo bok eo Ennaan Em̦m̦an im etan taitõl̦ier ej Does God Have a Name?, Who Is the Author of the Bible?, im How Can We Be Sure the Bible Is True? Pija kein rewal̦o̦k ilo bok eo ilo kajin Pãlle. Ebar wõr pijain alwõj ko jet kar kõm̦m̦ani ñan rõjañ armej ro ñan katak Baibõl̦ ippãd im itok ñan kweilo̦k ko ad. Etan pija kein ej Etke Kwõj Aikuj Katak Baibõl̦?, Ta ko Rej Wal̦o̦k Ñe Kõmij Katak Baibõl̦ Ippãn Armej?, im Ta ko Rej Wal̦o̦k ilo Im̦õn Kweilo̦k ko Ammim? Jemaroñ bar kõjerbal jet iaan pijain alwõj ko ad me rebwe aer aetok ñan katak ippãn rũkkatak ro ad.​—km 5/13 3.

KILEN KÕM̦M̦ANE:

• Taunl̦outi kadede pija eo kokõn̦aan kwal̦o̦ke ñan rũm̦weo

• Kõpooj juon ak ruo kajjitõk kõn pija eo bwe kwõn kab kajjitõk ippãn kaki

• Alwõje pija eo ippãn doon

• Bwebwenato ippãn kõn men ko jemaroñ katak jãn pija eo

KAJJIOÑE MEN IN:

• Ukot ñan tulikin juon iaan tũrããk ko ad, im jitõñl̦o̦k ñan kout eo me ej kajju ñan weep jait eo ad im kwal̦o̦k pija eo etan Etke Kwõj Aikuj Katak Baibõl̦?

• Ak kõjo̦e pija in, Etke Kwõj Aikuj Katak Baibõl̦? im lel̦o̦k bok eo Ennaan Em̦m̦an, im jitõñl̦o̦k ñan katak 3