Kajerbal Men Ko Jej Loi Me Rej Katakin
1. Ewi wãwen Jehovah ear kajerbal men ko jej loi ñan an katakin ro ri karejaran ilo ien ko etto, im kar ta tokjen?
1 Ñan an kar lelok ennan ko raorõk ñan ro ri karejaran ilo ien ko etto, jet ien Jehovah ear kajerbal vision im ettõnak ko. Lemnak kin vision eo an Ezekiel kin chariot eo erabõlbõl an Jehovah. (Ezek. 1:1-28) Pijaik lok ilo lemnak eo am kin wãwen eñjake eo an Daniel elikin an kar lo ettõnak eo kin kanan eo ej kwalok kin kajur ko an lal. (Dan. 7:1-15, 28) Im ta kin reveles̃õn eo ekairujruj me kar kwalok “ilo kakõlle ko” ñan ri jilek Jon kin men ko renaj walok ilo “ran in Iroij”? (Rev. 1:1, 10) Jehovah ear katakin rein ilo an kajerbal color ko ralikar im makitkit ko rekabwilõñlõñ, im menin ear kõmman bwe men eo rar lo en bed wõt ilo lemnak ko air.
2. Ta ko jemaroñ kajerbali ñan ad katakin ro jet kin mol ko ilo Bible?
2 Elañe jekõnan kameleleik mol ko ilo Bible ñan ro jet ilo juõn wãwen eo me enaj bin air meloklok, inem jemaroñ kajerbal video ko ad ñan katakin. Video ko ad rej kitibuj elõñ katak ko im rej kaddek liki eo ad ilo Bible eo, ilo dolul eo an Jehovah, im ilo kien ko me rej kõkõmanmõn lok mour in Christian eo ad. Jen etale jet wãwen ko jemaroñ kajerbal video ko ad ñan ad katakin. Ijin ilal ej kwalok kin jet ian video ko me jemaroñ kajerbali.
3. Ta eo kwo maroñ kajerbale ñan am jitõñlok juõn ri katak Bible ñan dolul eo?
3 Ilo jerbal in Kwalok Nan: Kwonañin ke jiroñ juõn eo ej katak Bible kin Christian jimjãn jimjatin eo ibelakin lal? Kwalok ñan e ikijen video eo Our Whole Association of Brothers. Kwo maroñ lelok bwe en aluije mokta jen ien katak eo tok juõn amiro ak komro maroñ etale ilo ien eo komro ej katak. Elikin ami aluije, bwebwenato im etale kajitõk ko me rej bed ilo Ad Jerbal Ñan Ailiñ Eo in June 2002.
4. Ta kein katakin ko juõn jodikdik Ri Kennan emaroñ kajerbali ilo school?
4 Jodikdik ro, kom maroñ kajitõk ibben ri kaki eo ami elañe kom maroñ kwalok ñan ri school ro mõttami video eo Jehovah’s Witnesses Stand Firm Against Nazi Assault ak Faithful Under Trials—Jehovah’s Witnesses in the Soviet Union. Jiroñ e bwe kwo naj keboje juõn lajrak in kajitõk ko, ukõt kajitõk ko ekkar ñan class eo am me rej walok ilo Ad Jerbal Ñan Ailiñ Eo ilo June 2001 ak February 2003.
5. Ta kein katakin ko rebellok ñan ro jemen im jinen ñan air kajerbali ilo ien katak ko an family eo?
5 Ibben Family im Ro Jerad: Ro jemen im jinen, ewi dettan ajiri ro nejim kiõ jen ien eo ear jino walok video eo ak jen ien eo eliktata rar aluije Young People Ask—How Can I Make Real Friends? Etke komij jab bar aluije ilo ien in tok ñe family eo ej katak? Ad Jerbal Ñan Ailiñ Eo in April 2002 ej letok kajitõk ko ñan juõn ien katak ñan kamakit im ekamõnõnõ.
6. Ewi wãwen kwomaroñ karõk ien ko ibben ro jeram ñan ami kõketak im kalek don?
6 Ewõr ke ro jeram ilo congregation eo kwo kõnan kir wõj ir ñan mweo imõm? Aluije video eo Respect Jehovah’s Authority (Kautiej Tel eo An Jehovah) ibben don enaj kõmman bwe joten eo en juõn ien kõketak im kalek don, elaptata elañe elikin ami aluije komij etale ta eo kom ar katak kake, ilo ami kajerbal kajitõk ko rej bed ilo Ad Jerbal Ñan Ailiñ Eo in September 2004.
7. Ta ien ko rebellok ñan am maroñ kajerbal video ko ad?
7 Ien ko Jet Rebellok: Bar ta jet ian wãwen ko kwo maroñ kajerbal 20 video ko ad? Kwo maroñ ke kwalok juõn ak ruo ian video kein ñan juõn eo im ekkã am lolok e ñan an wõnmanlok ilo jitõb? Kwo maroñ ke kajitõk ñan am kwalok video kein ilo mweo imõn ritto ak ri nañinmij ro ak jikin eo ekkã an ritto ro kweloklok ie? Video kein remaroñ ke jibañ kabellok buruen ro nukõm rejjab Ri Kennan, ro ri turõm, im ri jerbal ro mõttam? Video ko ad rekanuij emõn, ñan katakin, im rej jet kain jerbal ko elap tokjeir. Kajerbali ñan katakin.
[Kajjitõk ko]