Tokjen eo kin Video (Cassette in Aluij) ko me Rej Kwalok Nan
1 “Ladik eo nejim ear aluiji video eo mokta jen an kar maroñ etetal. Ej aluiji elõñ alen. Elap an emõn bwe ewõr kein jerbal ko me rej kaddek yokwe Jehovah ilo buruen ro nejid!” Video et eo Christian jemen ak jinen ear kwalok kake? Eo ej naetan Noah—He Walked With God. Juõn jinen eo ejjab juõn Ri Kennan ak ladik eo nejin ear aluiji video in Noah ilo mweo imõn bar juõn armij ear jilkinlok juõn jabawõt kin $90 ñan ra eo im kajitõk elañe ewõr video ko jet an ajiri. Video ko me dolul eo an Jehovah ej kõmmani elap an wõr tokjen ñan ro redik im ritto ro jimor.
2 Ilo Family eo: Elikin an juõn family in Ri Kennan ro rar aluiji pija eo Jehovah’s Witnesses Stand Firm Against Nazi Assault, jinen eo ear ba: “Aolepen juõn ran iar lemnak kin ewi wãwen Jehovah ear kamaroñ armij ro rettã ñan kijenmij men ko relap! Ilo aõ lemnak kin men in ear kakememej iõ kin joñan an dik aorõkin abañ ko aõ make. Ilo am aluiji video in ibben ro nejim ear jibañ ir ñan kile ilo alikar aikwij eo ñan liki Jehovah. Ilo am bwebwenato ibbeir kake tokelik, kim ar jibañ ledik ro nejim bwe en laplok air bojak ñan jerbale jabdewõt ijjibed ko ak matõrtõr ko renaj iioni.”
3 Ilo School: Einwõt report eo an, juõn jodikdik Ri Kennan ear maroñ kwalok mõttan in video eo Stand Firm ñan class eo an. Mokta, ri kaki eo an ear ba bwe ear dike Ri Kennan ro. Elikin an aluiji video eo, ear ba: “Men in ear lukkun ukõt lemnak eo aõ kin Ri Kennan ro an Jehovah. Ij kallimur bwe ñe renaj bar itok ñan mweo imõ, I naj roñjake ir im jino katak Bible ibbeir!” Ta eo ear ukõt lemnak eo an kin kij? Ear ba bwe kar “yokwe im tiljek eo ad emol.”
4 Ilo Jerbal in Kwalok Nan: Juõn sister ear iion juõn kõrã eo ear abwin bõk literature ko, meñe ear wõr an kajitõk kin kij im tõmak ko ad. Sister eo ear bar jeblak im bõk ibben video eo Jehovah’s Witnesses—The Organization Behind the Name im kaluije kõrã eo im leo ibben. Erro jimor rar lukkun bwilõñ kake im rar errã ñan katak Bible. Tokjen kwalok nan eo emõn, rar jino ukõt wãwen air mour ñan errã ibben ankil an Anij.
5 Kwoj kortokjen ke video ko ad ñan tokjen eo elaptata?