Wãwen eo ñan Kareelele Ro Jet
1 Armij rej jelã kin ri jilek Paul einwõt juõn ri karejar ejelã kareel armij. (Jerbal 19:26) King Agrippa bareinwõt ear jiroñ e: “Ilo jirik, kwoj karel iõ bwe in dri Kristian.” (Jerbal 26:28) Ta eo ear kõmman bwe jerbal in kwalok nan eo an Paul ear lap an kareelel armij? Ear emõn an kõmmanwa jen Jeje Ko, im ukõt nan ko an bwe ren jejjet ñan ro rej roñjake e.—Jerbal 28:23.
2 Ilo kajeoñe Paul, kij bareinwõt jej aikwij jelã kilen kareelel armij ilo jerbal in kwalok nan eo ad. Ewi wãwen? Ilo ad kajerbal lolokjen ñe jej konono ibben im roñjake ro jet. (Ken. 16:23) Jilu buñten nee ko raorõk renaj jibañ kij ñan kõtõbrak men in.
3 En Emõn Am Roñjake: Ñe armij eo juõn ej konono, bukõt juõn men me komro jimor komij errã kake im maroñ kalek juõn bwebwenato ion. Elañe ej jomantak juõn nan in jumae, kate yuk ñan melele kin un eo ilikin nan eo an. Enaj juõn men in jibañ elañe kwoj jelã kin ta eo ej tõmak kake, etke ej tõmake, im ta eo ear kareel e ñan tõmake. (Ken. 18:13) Ilo jelã kilen kajeoñ in bõk lemnak eo an.
4 Bõkmantak Kajitõk ko: Elañe juõn armij ej ba bwe ej tõmak ilo Trinity, kwomaroñ kajitõk: “Kwar tõmak ilo Trinity jen jinoin ke?” Inem kajitõk: “Kwo nañin etale ke ta eo Bible ej ba kin katak in?” Kwomaroñ bareinwõt kajitõk: “Elañe Anij kar mõttan juõn Trinity, jejjab maroñ kõtmene ke bwe Bible eo enaj ba men in ilo alikar?” Uak ko renaj jibañ yuk ñan kõmmanwa ibben armij eo kin ta eo Jeje ko rej ba.
5 Kajerbal Nan in Kõmmanwa ko Remõn: Juõn sister ear kajitõk ibben juõn kõrã eo ear tõmak bwe Jesus kar Anij: ‘Elañe kwar kajeoñ in kwalok juõn wanjoñok bwe ruo armij rar joñair wõt juõn, ta kadkadin family eo kwomaroñ kajerbale?’ Kõrã eo ear uak: “I maroñ kajerbal wanjoñok eo kin ruo jimjãn jimjatin maan.” Ri Kennan eo ear kakobaik: “Bõlen ruo bo. Ak ilo an katakin kij ñan kile Anij einwõt Jemen im e make einwõt Nejin, ta ennan eo Jesus ear kõnan kwaloke?” Kõrã eo ear bõk point eo bwe juõn ear rittolok im elaplok an kar wõr an maroñ. (Mat. 20:23; Jon 14:28; 20:17) Kar tõbar lemnak eo an im buruen ikijen kajerbal kabel in kareelel.
6 Bõtab, ejjab aolep renaj mõnõnõ in bõk mol eo, meñe ear lukkun emõn im jimwe ennan eo ad. Ak einwõt Paul, jen niknik in bukõt ro emol burueir ilo territory eo ad, im kareel ir ñan bõk ennan in Ailiñ eo.—Jerbal 19:8.