Wãwen Am Katakin En Karel
1. Ar kajerbal Nan eo an Anij ilo jime ej kitibuj ta?
1 Einwõt dri jilik eo Paul, dri kwalok ro rekabel remelele bwe an ‘jimewõt air katakin kin nan in mol’ ej kitibuj elõñlok men ko ijellokin air baj riiti wõt eon ko jen Baibel eo. (2 Tim. 2:15) Ñe jej kajerbal Nan eo an Anij, ewi wãwen jemaroñ “karel” ilo ar katakin?—Jerb. 28:23, UBS.
2. Ewi wãwen jemaroñ kalaplok an armij koutiej Nan eo an Anij?
2 Nan eo an Anij En Katakin: Kein ka juõn, jitõñlok ñõn Baibel ilo juõn wãwen eo ej koutiej meletlet eo an Anij. Liki eo ar ilo Nan in Anij emaroñ kamakõt eo jej konono iben ñõn lukkun roñjake ñe jej riiti eon eo. (Hib. 4:12) Jemaroñ ba: “Emwij aõ lo bwe ej menin jibõñ ñõn bõk lemnok eo an Anij ilo men in. Lale ta eo Nan eo an ej ba.” Jabrewõt ien jemaroñ, kõtlok bwe Nan eo an Anij en katakin ikijen ar riit jen Baibel eo.
3. Elikin ar riiti juõn eon, ta eo jemaroñ kõmõne ñõn jibõñ eo ej roñjake bwe en melele kake?
3 Kein karuo, kemeleleiki eon eo kar kajerbale. Elõñ armij rej lo bwe ebin air melele kake juõn eon ñe rej kap riiti. Jej aikwij kemeleleiki eon eo bwe ren lo tokjen. (Luk 24:26, 27) Jitõñlok ñõn nan ko me rej rejetake katak eo. Jemaroñ kwalok juõn kajitõk bwe en alikar elañe ej melele kake.—Ken. 20:5; Jerb. 8:30.
4. Ta buñten ne eo eliktata jej aikwiji bwe jen katakin ilo ar karel?
4 Kemelele ilo Kamanwa jen Jeje Ko: Kein kajilu, kate ñõn tõbar lolãtãt im buru. Jibõñ dri mweo bwe en lo wãwen eon eo ejejit ñõn e. Ar kemelele jen Jeje ko emaroñ karel juõn armij bwe en ukot lemnok eo an. (Jerb. 17:2-4; 19:8) Ñõn wanjoñok, elikin ar riiti Sam 83:18, jemaroñ kemelele bwe ar jela etan juõn armij eaurõk ñõn ejaake juõn jimjera iben. Inem, kwomaroñ kajitõk, “Kwoj lemnok ke bwe am jela kin etan Anij emaroñ kõmõn bwe jar ko am ren aurõklok?” Am kobaik dri mweo iben eon eo enaj kalikarlok tokjen eo ñõn e. Ar katakin ilo karel jen jeje ko ej karuaklok armij ro emol burueir ñõn air kabuñ ñõn Anij eo emol im emour, Jeova.—Jerm. 10:10.