Ta En Ej Mejenkajjik eo?
1 Etke jej kõmman Bible study ko? Ñan baj lelok ke jelãlokjen, kakõmõnmõnlok mour ko an armij, ak ñan lelok juõn kejatdikdik emõnlok kin ilju im jeklaj? Jaab. Mejenkajjik eo ad elap ej ñan kõmman bwe armij ren ri kaloran Jesus Christ! (Mat. 28:19; Jerbal 14:21) Eñin unin ro jej katak ibbeir rej aikwij koba ibben congregation eo. Wõnmanlok eo air ilo jitõb ej ekkejel ion melele eo air kin dolul in Christian eo.
2 Wãwen eo ñan Kõtõbraki: Jen jinoin, rejañ ri katak eo ñan bed ilo kwelok ko an congregation eo. (Hib. 10:24, 25) Kameleleik e kin ewi wãwen renaj kakajurlok tõmak eo an, jibañ e ñan kõmanman ankil an Anij, im lelok ñan e kamao ko remõn ibben ro jet me rej bareinwõt kõnan kaibujuij Jehovah. (Sam 27:13; 32:8; 35:18) Nan ko am rej kwalok yokwe im kamolol kin congregation eo im kwelok ko renaj kamakit kõnan eo an ñan bed ilo kwelok ko.
3 Ro rekãl rej aikwij melele bwe dolul eo an Jehovah ej juõn dolul in jimjãn jimjatin ibelakin lal. Kõtlok air aluiji video ko Jehovah’s Witnesses—The Organization Behind the Name im Our Whole Association of Brothers. Jibañ ir ñan melele bwe Jehovah ej kajerbal elõñ million armij ro emwij air wujleplok air mour ibelakin lal ñan kõtõbrak ankil an. Kõmman bwe rein rekãl ren jelã bwe ir bareinwõt remaroñ karejar ñan Anij.—Ais. 2:2, 3.
4 Ej juõn unin lañliñ elap ñan lo an juõn ri katak Bible erom juõn ri kalor eo emol an Jesus. Eñin mejenkajjik eo ad!—3 Jon 4.