Jeor Ine ko Relõñ naj Bõktok Jerammõn ko Relap
1 Kij aolep jej reimanlok ñan jejjet in kitien eo kin kallimur ko relap rej bed ilo Nan eo an Anij. Kiõ bareinwõt, Jehovah ej kõmman bwe en bellok elõñ jerammõn ko me rej bõktok lañliñ ñan mour ko ad. Bõtab, joñan eo jej bõk tokjen jen e ej wawa ion ewi joñan jej kate kij kake. Einwõt ri jilek Paul ear ba, “eo ej jeor im dreep e naj marmir im jerammõn.” (2 Kor. 9:6) Lemnak kin ruo wãwen ko kien in ej jerbal ie.
2 Jerbal in Kwalok Nan eo Ad: Jaketo-jaketak news eo emõn ibben armij ñe ewõr ad maroñ in kõmmane ej bõktok elõñ jerammõn ko. (Ken. 3:27, 28) Ilo nebar, elõñ rej jeor im dreep ilo air kalaplok ijo kunair ilo jerbal in kwalok nan, ekoba auxiliary ak regular pioneer. Kij aolep jemaroñ jeor im dreep ilo ad tiljek in bar jeblak ibben aolep ro rej kwalok air itoklimo im ilo ad tilmake juõn katak kin Bible ñe ej bellok juõn ien emõn. (Rom 12:11) Ad kate kij ilo wãwen kein naj walok ilo tokjen ko kin experience ko rekõketak im lañliñ ko relaplok ilo jerbal in kwalok nan eo ad.
3 Jurake Tokjen ko an Ailiñ eo: Paul ear ba nan kein kin ‘jeor im dreep’ ilo an konono kin lelok men ko lor kanniek. (2 Kor. 9:6, 7, 11, 13) Rainin, elõñ men ko jemaroñ kõmmani ilo juõn wãwen jej kajerbal enbwinid im mweiuk ko ñan jurake tokjen ko an Ailiñ eo. Jemaroñ jibañ ñan kalek Kingdom Hall ko im Assembly Hall ko. Jemaroñ bareinwõt bõk kunad ñan karreo im kejbãrok jikin kein kin kabuñ eo erreo. Bareinwõt, jemaroñ lelok jabawõt kin expense ko an congregation eo ilo bukwon eo im bareinwõt jerbal in kwalok nan kin Ailiñ eo im kõmman ri kalor ro ibelakin lal. Ñe kij aolep jej kõmmane ijo kunad, enaj lap ad lañliñ ñan lo kajerammõn eo elap an Jehovah ion jerbal in eletok in Anij!—Mal. 3:10, New World Translation; Luk 6:38.
4 Nan in Anij ej rejañ kij ñan “kõmõnmõn emõn, bwe ren mweie kin jerbal ko remõn, im ren mol kab pojõk in lelok men in tiriamo.” Ñe jej bokake nan in kakabilek in, jenaj lañliñ kin jerammõn ko relap kiõ. Ilo ejja ien eo wõt, jenaj “kamweikwiuk [kij] kin foundes̃õn emõn mae ien ej itok, bwe ren bõk mour eo emol.”—1 Tim. 6:18, 19.