“Ren Mol kab Pojõk in Lelok Men in Tiriamo”
1 Elõñ buki yiõ ko remotlok ri jilek Paul ear kameleleik Timothy ñan rejañ ri tõmak ro mõttair “Bwe ren kõmõnmõn emõn, bwe ren mweie kin jerbal ko remõn, im ren mol kab pojõk in lelok men in tiriamo.” (1 Tim. 6:18) Paul ear bareinwõt kakememej Christian ri Hebrew ro bwe ren jab meloklok kin “kõmõnmõn emõn im lelok ñõn ro jet.” (Hib. 13:16) Etke ear je nan in jiroñ kein? Kinke ear jelã bwe enaj wõr “aibujuij, im nebar im ainemõn ñõn ro otemjej rej jerbale emõn.”—Rom 2:10.
2 Kinke Jehovah Anij ej ri Kõmanmõn eo, men ko otemjej rej an. (Rev. 4:11) Ej mol ad kamolol kin ta eo ej kõmmane kin men ko mweien ilo etad. Meñe elõñ armij rejjab kwalok air kamolol, Eo Eutiejtata ej wõnmanlok im kõtlok bwe aolep ren bõk tokjen jen men in lelok ko an emmol ñan kowõnmanlok mour. (Mat. 5:45) Ear meñe lelok Nejin eo ejitenburu ibben einwõt juõn men in katok bwe jen maroñ bõk mour indio. Yokwe eo ear kwaloke ñan kij en kar jab kamakit kij ke ñan kamol kamolol eo ad ilo ad mol ibben armij ro mõttad?—2 Kor. 5:14, 15.
3 Ta eo Jemaroñ Jaketo-Jaketak? Ej ekkar bwe jen kajerbal jabdewõt tokjen ko ewõr ibbed ilo juõn wãwen ej emõn ilo mejen Anij. Emol ad kõnan jurake jerbal in Ailiñ eo ibelakin lal ilo juõn wãwen ilo kanniek im ilo jitõb. Mekarta, news eo emõn ej mweiuk eo eaorõktata emaroñ wõr ibben jabdewõt armij, bwe ej “kajur an Anij ñõn lomor.” (Rom 1:16) Ilo ad kajerbal ien im mweiuk ko ad ilo kajjojo alliñ ñan bõk kunad ilo jerbal in kwalok nan im katakin, jenaj maroñ jaketo-jaketak mweiuk in ilo jitõb ibben ro jet, im tellok ir ñan air bõk mour indio.
4 Elap an Jehovah mõnõnõ ñe jej jibañ ro rejeramel. Ej kallimur kin jerammõn ko, im ej bareinwõt kakememej kij: “Mweiuk ko ejelok tokjeir, ilo ran eo ran in illu; a wãnik ej lomoren jen mij.” (Ken. 11:4; 19:17) Jurake jerbal in Ailiñ eo ilo kanniek im bõk kunad joñan wõt ad maroñ ñan kwalok kin news eo emõn rej wãwen ko remõn jemaroñ kwalok bwe jej mol kab bojak in lelok men in tiriamo.