Program eo Ekãl an Circuit Assembly
1 Ñan jutak bin ilo tõmak ilo juõn lal ejaje tõt, jej aikwij liki Jehovah. Ewi wãwen ad maroñ kwalok liki in ilo mour eo ad jen ran ñan ran? Ad liki Jehovah ewi wãwen an jelet mour eo ad make im an family eo? Ewi wãwen an jibañ kij ñan jumae kilan lal eo an Satan? Program eo ekãl an circuit assembly eo ñan yiõ in jerbal eo 2003 enaj uake kajitõk kein. Unin tel eo ej “Kwon Liki Jehovah im Kõmman Emõn.”—Sam 37:3.
2 Jejjab kwalok ad liki Jehovah ilo ien ko wõt im ejej uan air aorõk ak ilo ien ko elap ad aikwiji jibañ. Ej jelet wãwen ko otemjej ilo ad mour jen ran ñan ran. Men in rej kalikar kake ilo katak eo jinoin, “Komin Liki Jehovah Ien Otemjej.” (Sam 62:8) Symposium eo emen mõttanin naetan “Kwalok Am Liki Jehovah” enaj kwalok ñan kij kin ewi wãwen ad maroñ lo im jerbale kamelele ko rej wawa ion Bible me remaroñ jibañ kij ñan kalek juõn mour in belele ewõr tõbrak ie, ñan jerbale abañ ko rej walok ilo mour in family eo, im ñan kabwe aikwij ko ad ilo kanniek.
3 Lal eo an Satan ej kajeoñ in likit iod juõn lemnak eankeke kin ta eo ejimwe im bwid im kõmman bwok kin ta ko ren aorõktata ilo ad mour. (Ais. 5:20) Katak ko “Kejbãrok Nae Men ko Ejettokjeir ilo Mour” im “Kwon Kejbãrok Yuk Jen Nana—Kwon Ri Kõmanmõn Emõn” naj kabinlok bebe eo ad ñan jurake kien ko reutiej an Jehovah.—Amos 5:14, NW.
4 Ñe Jehovah enaj bõktok jemlokin jukjuk im bed in enana, ri karejar ro an Anij renaj aikwij lukkun liki e. Men in enaj kalikar kake ilo katak eo elap, “Lomor Jen Eñtan ko an Lal Ebak.” Jeltokin, naj rejañ kij ñan etale kij make ilo katak eo “Kwonaj Tellokin Bõk ke Ailiñ in Anij?” Program eo enaj jemlok kin nan in rejañ eo ñan “Liki Kallimur ko an Jehovah.”
5 Men eo elap ilo aolep assembly ko ej katak in baptais eo. Jabdewõt eo ekõnan baptais en jiroñ presiding overseer eo ilo ien eo emõkajtata bwe en maroñ kõmman karõk ko rej men in aikwij.
6 Ilo ien kein jejaje kaki, Jehovah wõt ej unjen liki im jokane. (Sam 118:8, 9) Jen aolep kakajurlok liki eo ad ilo e ilo ad bed ilo aolepen program eo an circuit assembly eo.