Jibañ ilo Ien eo Ejejjet
1 Ke ri jilek Peter ear kile aikwij eo ñan kakajurlok ri tõmak ro mõttan, itoklimo eo an ear kamakit e ñan lelok nan in kakememej im rejañ ko reyokwe ñan ir. (2 Pit. 1:12, 13; 3:1) Ear rejañ ‘ro emwij air jibarek tõmak eaurõk’ ñan kaddeklok wõt kadkad ko ilo jitõb kadkadiir bwe ren jab “jowõn ak jowa ñõn jela ar Iroij Jisõs Kraist.” (2 Pit. 1:1, 5-8) Karõk eo an Peter kar ñan jibañ ir ñan kamol an Jehovah kir im kãlet ir, bwe “En lo kom ilo ainemõn im ejelok ami mãr ak notami iman mejen.” (2 Pit. 1:10, 11; 3:14) Ñan elõñ, nan in rejañ eo an ear mol an juõn men in jibañ ilo ien ejejjet.
2 Rainin, ejja wãwen in wõt an Christian overseer ro itoklimo kin armij ro an Anij. Ilo “ien [kein] renana,” elõñ ri karejar ro an Jehovah rej aikwij kijenmij kin wãwen ko rebin. (2 Tim. 3:1) Kin an laplok abañ ko kin money, family, ak abañ ko air make, jet remaroñ eñjake einwõt kar David: “Bwe men ko renana relõñ jen maroñ in bwinir, r’ar kabol iõ. Bwir ko aõ r’ar lukwõrkwõr iõ im bõk iõ, inem I ban reiliñlok. Relõñ jen kol ko kolan bõra, im buruõ e ar kijelok.” (Sam 40:12) Ijjibed kein remaroñ oktak im lukkun lap im kõmman bwe rein ren jerwane men ko lor jitõb raorõk im kabõjrak air bõk kunair ilo jerbal in kwalok nan an Christian. Ak, meñe rej iion abañ ko air, ‘rar jab meloklok kien ko an Jehovah.’ (Sam 119:176) Kiõ ej ien ejejjet ñan an elder ro lelok jibañ ko rein rej aikwiji.—Ais. 32:1, 2.
3 Ñan kabwe aikwij in, kar rejañ elder ro ñan kõmman juõn jibadbad ejej uan ñan jibañ ro rejjab bõk kunair kiõ ilo jerbal in kwalok nan. Juõn jibadbad elap ñan kõtõbrak men in rej kõmmane kiõ im enaj wõnmanlok wõt ilo alliñ in March. Rej kajitõk ibben book study overseer ro ñan lolok ro rej inactive (ro rar bõjrak air kwalok nan) ñan lelok jibañ ko ilo jitõb ñan jibañ ir ñan bar jino bõk kunair ilo makitkit ko an congregation eo. Ñe ewõr juõn aikwij, remaroñ karõk ñan katak Bible ibbeir. Remaroñ kajitõk ibben ro jet ñan jibañ. Elañe rej kajitõk ibbam ñan jibañ, jibadbad ko am enaj lap an wõr tokjeir, elaptata elañe kwoj lelok rejañ ilo juõn wãwen ejoij im ej kwalok yokwe.
4 Ewõr unin ñan lañliñ ñe juõn ej bar jino an jerbal ibben congregation eo. (Luk 15:6) Jibadbad ko ad ñan rejañ ro rej inactive emaroñ walok ilo ‘juõn nan, eo ekar air kwalok e.’—Ken. 25:11.