Kwalok Nan ilo juõn Lal Ej Oktak Wõt
1 Elap an mõkaj an maroñ oktak men ko! Ilo juõn boñ, juõn jorrãn ion lal, juõn abañ kin money, juõn jumae kien, ak juõn jorrãn elap an buñbuñ emaroñ erom men eo armij rej konono kake. Bõtab, ilo ejja joñan mõkaj in wõt, armij remaroñ ukõt air lale bar juõn men. (Jerbal 17:21; 1 Kor. 7:31) Ilo lal in ej oktak wõt, ewi wãwen ad maroñ kaitoklimoen armij bwe jen maroñ jaketo-jaketak ennan in Ailiñ eo ibbeir?
2 Kile Inebata ko an Ro Jet: Juõn wãwen jemaroñ kaitoklimoen armij ej ilo ad konono kin men ko rekãl rej walok. Ilo an rejañ ro rej roñjake e ñan lemnak kin jutak eo air ibben Anij, juõn ien Jesus ear konono kin jorrãn ko rekãl rar walok im bed ilo lemnak ko air. (Luk 13:1-5) Eindein, ñe jej kwalok kin news eo emõn, emõn jen konono kin juõn men ekãl ear walok ak juõn aitwerõk ilo bukwon eo me ej jelet mour ko an armij ro ilo territory eo ad. Bõtab, ñe jej konono kin men kein, jej aikwij kejbãrok bwe jen jab rejetak jabdewõt aitwerõk ko an kien ak an lal.—Jon 17:16.
3 Ewi wãwen ad maroñ jelã ta eo armij rej lemnak kake kiõ? Bõlen wãwen eo emõntata ej ilo am bõkmantak juõn kajitõk inem roñjake. (Mat. 12:34) Itoklimo kin armij enaj kamakit kij ñan lale lemnak ko an ro jet im kajitõk manlok ilo jelã kilen. Nan eo an juõn ri mweo emaroñ kwalok juõn inebata ewõr ibben elõñ ro jet ilo bukwon eo im emaroñ kabellok ial eo ñan kwalok nan.
4 Keboj juõn Ennan: Ñe jej kebojak kin jerbal in kwalok nan ilo juõn lal ej oktak wõt, jemaroñ kortokjen book in Kõmmanwa eo. Nan in rejañ ko kin ewi wãwen jemaroñ kobaik men in walok ko rekãl ilo ennan eo ad rej kõlajraki ilo peij 10-11, iumin “Crime/Safety (Kowadoñ/Men in Kejbãrok)” im “Men ko Rekãl Rej Walok.” Kamelele ko reinlok wõt jemaroñ loi ilo September 2000 Ad Jerbal Ñan Ailiñ Eo, peij 4. Ñe kwoj keboje ennan eo am, kwon jab meloklok in kobaik juõn eon ekkar.
5 Ñe jej lale inebata ko rej oktak an ro ilo territory eo ad, ej aikwij ekkar ad ukõte ennan eo ad kin news eo emõn. Ilo wãwen in, jej konono ibben armij kin men eo elap an jelet mour ko air. Ikijen men in, jemaroñ jibañ elõñlok armij ñan jelã Eo ejjab oktak kadkad ko kadkadin im kien ko an.—Jem. 1:17.