Kwalok Am Itoklimo—Ilo Am Kebojak
1 Emõn in kebojak ñan jerbal in kwalok nan ej jibañ kij ñan kwalok ad itoklimo kin ro jet. Ewi wãwen? Ñe ej lukkun emõn ad kebojak, ediklok ad mad kin ennan eo ad im emaroñ letok elaplok ien ñan ad lukkun roñjake ri mweo. Bareinwõt, ej jibañ kij bwe jen jab ikũmkũm im kõtlok bwe jen konono jen buruõd. Ak, ewi wãwen jemaroñ keboj juõn ennan ekeie?
2 Kajerbal juõn Ennan Ejejjet: Kãlet jen January 2005 Ad Jerbal Ñan Ailiñ Eo juõn ian ennan ko kar kwalok kaki me ekeie ñan bukwon eo am, im etale ewi wãwen kwomaroñ kajerbale ilo nan ko am make. Ukoktak ekkar ñan territory eo am. Ñan wanjoñok, elañe kwar iion armij ro jen juõn bar kabuñ ak ailiñ, lemnak kin ewi wãwen ennan eo am emaroñ kaitoklimoen rein. Ukukõt wãwen am kebak armij ro kajjojo kwoj konono ibbeir, ej kalikar itoklimo eo emol kin ir.—1 Kor. 9:22.
3 Ke kwoj jino kajerbal ennan eo, wõnmanlok ilo am kõmanmanlok. Kinke nan in ijjino ko elap air aorõk, lale ewi wãwen armij ro rej uak ñan ennan eo am. Katak eo ej ke kaitoklimo ri mweo? Kajitõk ko kwoj kwaloki rej letok ke juõn uak? Elañe jaab, kõmman ukoktak ko mae ien kwoj lo juõn wãwen emõn im keie.
4 Kein Kakememej Ko: Elõñ rej lo bwe ebin ñan air kememej juõn ennan ñe rej bed iturin kejam eo. Elañe kwoj lo bwe eindein, kwonañin ke kajeoñ kamelmel ibben bar juõn armij ilo am kwalok ennan eo am ilo juõn ainikien ellaj? Wãwen in emaroñ jibañ yuk ñan bõk melele ko ralikar im kwaloke ilo juõn wãwen ebidodo im jejjet. Emaroñ bareinwõt keboj yuk ñan am jelmae uak ko kajjojo kwonaj bõki.
5 Bar juõn kein kakememej ej ñan je juõn ennan ekadu kin ta eo kwonaj ba ilo juõn peba jidikdik im lale jidik mokta jen am naj etal ñan kejam eo. Jet rej lo bwe kein kakememej in ej jibañ ir bwe ren jab ikũmkũm ak en emõn air konono ibben armij ro. Ilo wãwen kein, emõn in kebojak emaroñ jibañ kij ñan kwalok ad itoklimo kin ro jet im bareinwõt kõmanmanlok ennan eo ad kin news eo emõn.