Kajeoñe Lemnak eo an Jesus
1 Meñe jejañin lo Nejin Anij, ikijen lokbook eo emwij jeje kin mour im jerbal in kwalok nan eo an Jesus, jej yokwe e. (1 Pit. 1:8) Ilo an bokake ankil an Jemen, ear ilok jen ijo jikin eutiej ilañ im itok nan lal. Einwõt juõn armij, ilo ejelok kibbon ear jerbal ñan ro jet inem ear lelok mour eo an kin ir. (Mat. 20:28) Nan eo an Anij ej rejañ kij: “Lemnok in en ber ilo kom, eo e ar bareinwõt ilo Kraist Jisõs.” Ewi wãwen jemaroñ kajeoñe jitõb in karmijeteik kõnan ko an make?—Pil. 2:5-8.
2 Ñe Kwoj Mõk: Meñe Jesus ear wãppen, ewõr ien ear mõk. Juõn ien, ke ear “mõk kin An etetal,” ear let an kwalok nan ñan juõn kõrã in Samaria. (Jon 4:6) Elõñ Ri Christian ro rainin rej jelmaik ejja melejoñ in wõt. Elikin juõn week in jerbal ekamõkmõk, emaroñ bin air lo kajur eo ñan bõk kunair ilo jerbal in kwalok nan. Bõtab, elañe jej keini ad kõmmane, jenaj lo bwe jerbal in kwalok nan eo an Christian ej kaemololoik kij ilo jitõb.—Jon 4:32-34.
3 Ilo bar juõn ien, Jesus im ri kalor ro an rar etal ñan juõn ene jemaden ñan kakije. Bõtab, juõn jar elap ear lo air etal im ettõr ñan ijo mõkajlok jen ir. Jen an illu, Jesus ear “tiriamokake ir” im ear jino “An katakin ir men ko relõñ.” (Mark 6:30-34) Ñan ijjino im kõmman Bible study ko ej aikwiji ad bõk ejja lemnak eo wõt. Ej aikwiji kate eo ad im yokwe eo emol kin armij. Elañe ejelok am Bible study kiõ, kwon jab ebwer ilo am kajeoñ in bukõt juõn.
4 Likit Men ko Ilo Jitõb Mokta: Auxiliary pioneer emaroñ jibañ kij ñan lemnak wõt kin makitkit ko lor jitõb. Juõn Christian jiroñ ear je: “Jinen juõn mõtta ear rejañ kimro ñan auxiliary pioneer ibben iumin juõn alliñ. Ij lukkun mõnõnõ bwe kim ar koba ibben. Iar mõnõnõ bwe ear emõnlok aõ jelã kajjen brother im sister ro, im ejjabto rar einwõt family eo aõ. Iar bareinwõt lañliñ bwe ear laplok ien ko remõn ñan aõ konono ibben ro jet kin Jehovah im ñan katakin ir kin mol ko raibujuij kin Ailiñ eo. Men kein aolep rar kõmman bwe in eñjake aõ ebakelok Jehovah im dolul eo an.”—Sam 34:8.
5 Kij aolep jej jelmae juõn tarinae ikõtan jab wãppen eo an kannieked im kõnan eo ad ñan kabuñburuen Jehovah. (Rom 7:21-23) Jej aikwij jumae jitõb in jab kate eo an lal in. (Mat. 16:22, 23) Jehovah emaroñ jibañ kij ñan lo tõbrak kin men in ikijen jitõb kwojarjar eo an. (Gal. 5:16, 17) Ke jej kõttar ad bõk lomor ilo lal eo ekãl im wãnik an Anij, jej aikwij kajeoñe lemnak eo an Jesus ilo ad likit bwe men ko an Ailiñ eo im men ko an ro jet ren iman men ko ad make.—Mat. 6:33; Rom 15:1-3.
[Kajjitõk ko]
1. Ta lemnak eo Jesus ear kwaloke?
2. Ta melejoñ eo elõñ Ri Christian ro rej jelmaiki, im ta eo emaroñ jibañ ir ñan anjo ion?
3. Ewi wãwen jemaroñ kajeoñe mõnõnõ eo an Jesus ñan katakin armij?
4. Ewi wãwen jerbal in auxiliary pioneer emaroñ jibañ kij ñan kajeoñe lemnak eo an Christ?
5. Etke jej aikwij wõnmanlok im kate kij ñan kajeoñe lemnak eo an Jesus?