Juõn Wãwen ñan Jibañ Ir

Ri Christian ro remol rej bõk kunair ilo jerbal in kajededlok news eo emõn. (Pil. 2:17) Ñan kõtõbrak men in, rar likit jet brochure ko, tract ko, im katak ko ilo 20 kajin ko ilo Internet eo ilo www.watchtower.org. Web site in rar jab kõmmane ñan jaketo-jaketak book ko rekãl ñan Ri Kennan ro an Jehovah. Mejenkajjik eo ej ñan kõmman bwe kamelele ko remol kin ta ko Ri Kennan ro an Jehovah rej katakin kaki jen Bible eo ren bellok ilobwilij.

Ilo ran ko kiõ, kar likit bar juõn men eaorõk ion Web site eo. Ej brochure eo Ta Eo Anij Ekõnan bwe Jen Kõmmõne ilo elõñlok jen 220 kajin ko. Bareinwõt, jino jen January 1 im January 8, 2004, copy ko kin magazine in Watchtower im Awake! ilo aolep kajin ko rar jino kwalok address in Web site eo am ilo peij eo itulik.

Ewi wãwen kwomaroñ kajerbal kein jerbal in? Eokwe, kwomaroñ iion juõn armij eo ej kwalok an itoklimo ak ej melele wõt kin bar juõn kajin. Elañe emaroñ kajerbal Internet eo, kwomaroñ jitõñlok ñan Web address eo ilo peij eo itulik in Imõniaroñroñ ak Awake! Ilo wãwen in emaroñ etale Jen Kõmmõne brochure eo ilo kajin eo an make mae ien kwomaroñ bar jeblak im bõktok book ko ilo kajin eo an. Ak kwomaroñ lelok etan armij in ñan congregation eo ak kumi eo ej lolorjake kajin eo an.