News eo Emõn ilo Internet eo

Ilo ien technology eo ad, jet armij rej bõk nan in kamelele jen unjen electronic, ekoba Internet eo. Inem Society eo ear likit jet kamelele ko rejimwe kin tõmak im makitkit ko an Ri Kennan ro an Jehovah.

Internet Web site eo am ewor address eo http://www.watchtower.org im ewor juõn jokãlet kin tract ko, brochure ko, im katak ko ilo Watchtower im Awake! magazine ko ilo kajin English, Chinese (Simplified), German, Russian, im Spanish, im ilo kajin ko jet bareinwõt. Book ko ilo Web site in ewor kadede ilo congregation ko im jej kajerbali ilo jerbal in kwalok nan. Un eo unin Web site in ej, jab ñõn kwalok book ko rekãl, ak ñõn kõmmõn bwe nan in kamelele ko ren bellok ñõn aolep ilo wãwen electronic. Ejelok aikwij ñõn jabdewõt ñõn keboj Internet peij ko kin Ri Kennan ro an Jehovah, makitkit ko ad, ak tõmak ko ad. Official site eo am ej kwalok kamelele ko rejimwe ñõn jabdewõt ro rekõnan.

Meñe site eo am ejelok karõk kin electronic message ko (E-mail), ej kalãjrak postal address ko an ra ko ibelakin lõl. Ilo wãwen in armij remaroñ jeje lok ñõn bõk elõñlok kamelele ko ak ñõn bõk jibañ jen Ri Kennan ro ilo bukwon eo. Kwon anemkwoj in jaketo-jaketak Internet address eo ibben jabdewõt eo emaroñ kõnan jino katak mol eo ilo Bible eo jen wãwen in.