Jej Aikwij Kautiej Maroñ Eo An Jehovah
Kadkad et eo kwoj lemnak kake ñe kwoj roñ ãt in etto kein Korah, Dathan, im Abiram? Jumae! Nae ta? Maroñ eo Anij ear jitõñe. Tibdikin kamelele ko kin ial in jorrãn eo air kar je ilo Bwinbwin katak 16, im jemaroñ lo juõn kamelele kin point ko relap ilo tu-kadu ilo katak eo “Ilo Tiljek Jen Kõttãik Kij Ñan Ri Utiej Ro Rekwojarjar” ilo November 1, 2002, magazine in Imõniaroñroñ (August 1, 2002, English Watchtower). Kwonaj lo bwe elap tokjen ñan readi katak in inem aluije video eo Respect Jehovah’s Authority (Kautiej Maroñ eo Jehovah Ear Jitõñe). Kwonaj lo idaptõk eo ear walok ikõtan lõmaro retiljek nejin Korah eo ear jumae, eo ear bõk juõn ial in jumae nae Iroij Bõtata eo an ijoko otemjej ilañ im ilal. (Bwin. 26:9-11) Tieta in en kar kamakit kij aolep ñan kalaplok ad tiljek ñan Jehovah.
Ñe kwoj aluije video eo, bukõt men in kamol ko bwe Korah im ri jumae ro mõttan rar likjap ilo melejoñ eo kin tiljek ilo jiljino wãwen ko raorõk: (1) Ewi wãwen rar jab kwalok kautiej kin maroñ eo Jehovah ear jitõñe? (2) Ewi wãwen rar kõtlok bwe utiej buru, juõn kõnan ñan bõk juõn ãt ebuñbuñ, im junmad en jelet ir? (3) Ewi wãwen rar kalimjek wõt likjap ko an ro Jehovah ear jitõñ ir? (4) Ta jitõb in elotan eo rar kaddeklok? (5) Etke rar oktak im jab juburu kin jerammõn in jerbal ko air? (6) Ewi wãwen rar kõtlok bwe ro jerair im ro uan family ko air ren aorõklok jen air tiljek ñan Anij?
Lemnak kin ewi wãwen men ko jaar katak ilo tieta in kin Bible eo rej jerbal ñan lemnak eo ad make kin maroñ eo Jehovah ear jitõñe rainin: (1) Ewi wãwen jen emmakit ñan bebe ko an elder ro ilo congregation eo, im etke? (2) Ewi wãwen jemaroñ jumae jabdewõt lemnak ko rejakkar iload? (3) Ewi wãwen jen emmakit ñan jab wãppen ko an ro kar jitõñ ir ñan tel? (4) Ta eo jen kõmmane elañe juõn jitõb in elotan ej jino eddeklok ilo buruõd? (5) En ewi eñjake eo ad kin jabdewõt jerammõn jaar bõki? (6) Wõn ro ren jab aikwij aorõklok jen tiljek eo ad ñan Anij, im ñããt eo men in emaroñ juõn melejoñ ebin ñan kij?
Elikin ad etale melele in ilo congregation eo, etke kwojjab bar aluije video eo? En laplok an alikar ilo lemnak eo am kin un ko unin jej aikwij kautiej maroñ eo an Jehovah ien otemjej!—Sam 18:25; 37:28.