Juõn Muri Jej Muri ñan Ro Jet kake
1 Ri jilek Paul ear eñjake juõn aikwij ñan an kwalok nan ñan ro jet. Ear jelã bwe Jehovah ear kõmman bwe armij otemjej ren bõk lomor ikijen bõtõktõkin Nejin eaorõk. (1 Tim. 2:3-6) Kin men in, Paul ear ba: “Ña dri muri ñõn ro dri Grik, im ñõn ro dri pegan; ñõn ro re meletlet im ñõn ro rej jab meletlet.” Ear kate e im niknik in jolok muri eo an ñan ro jet ilo an kwalok kin news eo emõn ñan ir.—Rom 1:14, 15.
2 Einwõt Paul, Ri Christian ro rainin rej kate ir ñan air kwalok kin news eo emõn ñan ro ri turiir ilo jabdewõt ien emõntok. Kinke “iñtan eo elap” ej mõkajtok, ad bukõt ro emol burueir ej juõn jerbal in ekaiuriur. Yokwe eo ad emol kin armij en kamakit kij bwe jen tiljek ilo jerbal in lomor in.—Mat. 24:21; Ezek. 33:8, New World Translation.
3 Jolok Muri eo Ad: Wãwen eo elaptata ñan tõbar armij ro ej ikijen ad kwalok nan jen em ñan em. Ilo territory ko ekkã an armij ro jako jen moko imwiir, ilo ad kejbãrok juõn record emõn im ad jeblak ilo ien ko reoktak jen don enaj kamaroñ kij ñan iion elõñlok armij. (1 Kor. 10:33) Jemaroñ bareinwõt jibadõk armij ro ilo ad kwalok nan ilo business territory, iturin ial ko, ilo jikin kallip ko, ilo jikin park wa ko, im ikijen ad kajerbal telephone. Jemaroñ kajitõkin kij make, ‘Ij kõmman ke joñan wõt aõ maroñ ñan bõk kunaõ ilo jabdewõt wãwen kwalok nan ñan kwalok kin ennan in mour?’—Mat. 10:11.
4 Juõn pioneer ear eñjake bwe ej eddo eo an ñan jibadõk aolep armij ro ilo territory eo an. Ilo juõn em, aolep ien window eo ej kilek im armij ro rej jako. Bõtab, juõn ran ke pioneer eo ear jab jerbal in kwalok nan, ear lo juõn wa iturin mweo me aolep ien ejjab iion armij ro ie. Kinke ear jab kõnan luji ien in ebellok ñan an kwalok nan, ear kajañ bell eo. Juõn emaan ear uak, im bwebwenato in moktata ear tellok ñan elõñ ien ko ke sister in im leo belen rar bar jeblak. Eliktata, emaan eo ear bõk juõn katak kin Bible, im kiõ ej juõn brother emwij an baptais. Ear kamolol bwe sister in ear eñjake bwe ej eddo eo an ñan an kwalok nan ñan ro jet.
5 Kinke emõkaj an itok jemlokin, kiõ ej ien eo ñan jolok muri eo ad ibben ro jet ilo ad niknik ilo jerbal in kwalok nan.—2 Kor. 6:1, 2.