Kõmman Bible Study ko Rej Wõnmanlok Part 11
Jibañ Ri Katak Ro ñan Kõmman Bar Jeblak ko
1 Ñe juõn ri katak Bible ej jino bõk kunan ilo jerbal in kwalok nan, enaj iion armij ro rej kwalok air itoklimo kin news eo emõn. Ewi wãwen jemaroñ jibañ ri kwalok in ekãl ñan kõmman bar jeblak ko rekeie im ñan kaddeklok itoklimo eo ej loe?
2 Kebojak ñan kõmman juõn bar jeblak ej ijjino ilo ien lolok eo mokta. Rejañ ri katak eo ñan an kwalok itoklimo eo emol kin ro ej konono ibbeir. (Pil. 2:4) Jidik kin jidik katakin e kilen kõmman bwe armij ro ren kwalok lemnak ko air, ñan an roñjake uak ko air, im ñan an jelã ta ko rej inebata kaki. Ñe juõn armij ej kwalok an itoklimo, kõtlok bwe ri kwalok eo ekãl en je melele ko raorõk kin armij eo. Kajerbal melele kein ñan am jibañ e karõk kin bwebwenato ko jet.
3 Kebojak ñan Bar Jeblak: Etale ien lolok eo moktata, im kwalok ñan ri katak eo kin ewi wãwen emaroñ kãlet juõn ennan in Ailiñ eo me enaj kaitoklimoen ri mweo. (1 Kor. 9:19-23) Keboj juõn ennan ekadu ibben don me ej kwalok kin juõn eon jen Bible eo im juõn paragraph ilo book in katak eo. Bareinwõt, keboje juõn kajitõk eo me emaroñ bõkmantak ilo jemlokin bwebwenato eo einwõt bedbedin jeblak eo an. Kwalok ñan ri kwalok eo ekãl kin ewi wãwen emaroñ kalaplok jelãlokjen eo an armij eo kin Nan eo an Anij kajjojo ien ej lolok e.
4 Ej juõn men in jibañ bareinwõt ñan katakin ri katak eo juõn nan in kabellok elamwan. Elikin an yokyokwe ri mweo, emaroñ ba: “Iar mõnõnõ kin bwebwenato eo arro mokta, im ij bar roltok ñan arro bwebwenato kin melele ko jet jen Bible eo kin [kwalok katak eo].” Kwomaroñ bareinwõt aikwij kwalok ñan ri kwalok eo ekãl kin ewi wãwen emaroñ emmakit elañe bar juõn armij ej uak ñe ej kallallal.
5 Tiljek in Bar Jeblak: Rejañ ri katak eo ñan an kõmmane juõn joñok emõn ilo an mõkaj in jeblak ibben aolep ro rar kwalok air itoklimo. Ñan an maroñ iion armij ro ilo moko imwiir ej aikwij kate e ñan bar jeblak. Katakin ri katak eo kilen kõmman karõk ko ñan bar jeblak, im jibañ e ñan an melele kin aikwij eo ñan an bar jeblak einwõt an kar kallimur. (Mat. 5:37) Katakin eo ekãl bwe en kwalok joij, lemnak kin ro jet, im kautiej ilo an bukõt ro rej einwõt sheep im kaddeklok itoklimo eo air.—Taitõs 3:2.