Kwoj Kajerbal ke Handbill ko?

Juõn ran juõn ladik 11 yiõ dettan ear lo juõn handbill me ej kareelel kin juõn katak kin hell. “Men in ear lap an kar kaitoklimoõ,” ear kamelele tokelik, “kinke aolep ien ekkã aõ kõmman men ko rebwid, inem elap aõ inebata bwe inaj etal ñan hell eo eurur kin kijeek ñe i mij.” Ear bed ilo katak eo, im enañin juõn yiõ tokelik, elikin an katak Bible, ear baptais. Eñin kar wãwen eo ear jino jerbal in Christian eo an Karl Klein, eo tokelik ear jerbal iumin elõñ yiõ ko einwõt juõn uan Governing Body eo an Ri Kennan ro an Jehovah. Ear jino kin juõn handbill.

Handbill ko rej wõnmanlok im juõn kein jerbal ekeie ñan kwalok nan rainin. Elõñ ri kwalok ro rej lo bwe ñe rej lelok juõn handbill ñan juõn armij ej juõn wãwen emõn ñan kwalok kajjiir make im jino juõn bwebwenato. Ro jemen im jinen remaroñ kobaik ro nejiir redik ilo jerbal in kwalok nan ilo air kõtlok bwe ren lelok juõn handbill ñan juõn ri mweo. Ri kwalok ro me rej kwalok nan ikijen jeje letter ko remaroñ kwalok kin kwelok ko ikijen air likit juõn handbill ilo letter eo. Im, emol, handbill ko rej juõn wãwen emõn ñan kirtok ri katak ro im ro jet rej itoklimo ñan air itok ñan kwelok ko ad.

Kwoj kortokjen ke handbill ko ilo jerbal in kwalok nan eo am?