Wãwen Kamadmõd eo Emõntata kin Ejmour—Ta Eo?
“Jabdewõt ri nañinmij eo me ej bõk kilen doctor ko rejjab kajerbal bõtõktõk ie, ej armij eo me ej bõk kamadmõd eo ej make wõt emõntata.” Eñin men eo Dr. Michael Rose, medical director im anesthesiologist eo ear ba. Ijellokin air lelok bõtõktõk ta kamadmõd ko im kõl ko jet remaroñ koba ibben “kilen doctor ko rejjab kajerbal bõtõktõk”? Kwoj aikwij in jelã ñan am maroñ kõmman bebe ko rekkar me rej jelet kilen doctor im mwijmwij ko. Aluije video eo No Blood—Medicine Meets the Challenge (Jab Bõk Bõtõktõk—Kilen Doctor Eo Ej Uake Aitwerõk In). Ñe emwij, lale ewi joñan am melele ilo am etale kajitõk kein.—Lale: Kinke video in ej kwalok jet mõttan ko kin ien mwijmwij eo an juõn armij, ritto ro rej aikwij kajerbal lolokjen ñe rej aluiji video in ibben ajiri ro redik.
(1) Ta un eo elaptata Ri Kennan ro an Jehovah rej makoko in bõk bõtõktõk? (2) Ikijen kilen doctor, ta kõnan eo an Ri Kennan ro an Jehovah? (3) Ta maroñ eo eaorõk ewõr ibben ri nañinmij ro? (4) Etke ej men in kõmmanwa im meletlet ñan kãlet jokãlet ko jet ijellokin bõk bõtõktõk? (5) Ñe elap an toor bõtõktõk, ta men ko ruo relaptata doctor ro rej aikwij kõmmani? (6) Ta nan in kaiñi ak kien ko emen kin jokãlet in kõl ko jet ijellokin bõk bõtõktõk? (7) Ewi wãwen an doctor ro maroñ (a) kadiklok an toor bõtõktõk, (b) kejbãrok red blood cell ko (cell ko rebũrõrõ), (c) kalaplok bõtõktõk ko, im (d) bar bõk bõtõktõk ko rar torlok? (8) Kamelele kin kamadmõd ko rej naetair (a) hemodilution im (b) cell salvage. (9) Ta eo kwon kõnan jelã kake ikijen jabdewõt jokãlet ko jet ijellokin bõk bõtõktõk? (10) Remaroñ ke kõmmani mwijmwij ko relap im rekabwokbwok ilo jab kajerbal bõtõktõk? (11) Ta wõnmanlok eo elap tokjen ej walok ilo jukjuk im bed eo an doctor ro?
Ilo ad bõk jet ian kamadmõd in doctor ko me rej walok ilo video in, menin ej an juõn make bebe im ej ekkar ñan bõklikit eo an emwij an Bible eo katakin. Emwij ke am bebe kin ta kõl ko jet kwoj mõnõnõ in bõke ñan kwe im ajiri ro nejõm? Ro uan family eo am me rejjab bed ilo tõmak rej aikwij jelã kin bebe ko am im ta unin am kõmmani.—Lale “Questions From Readers (Kajitõk ko jen Ri Konono Ro)” ilo June 15, 2004, im October 15, 2000, magazine in The Watchtower (Imõniaroñroñ).