Oktak ko Rekairujruj kin Imõniaroñroñ!
1 Ilo jinoin yiõ in, congregation ko rar bõk juõn kejelã ekairujruj: Jino jen January 2008, enaj wõr ruo kain Imõniaroñroñ. Juõn ñan aolep armij ro im eo juõn ñan dolul eo an Christian jimjãn jimjatin! Bõlen kwoj lemnak: ‘Ewi wãwen renaj oktak jen don? Ta tokjen ko ñan an wõr ruo kain magazine ko? Enaj wõr ke jabdewõt wãwen ko rekãl jemaroñ reimanlok ñane?’
2 Ewi Wãwen Air Oktak Jen Don: Magazine eo kin ran eo kein ka juõn ilo alliñ eo enaj naetan Public Edition ak Magazine in Lelok. Aolep katak ko ilo magazine in renaj keboje kin tokjen ko ñan aolep armij ro jenaj iion ir ilo jerbal in kwalok nan. Magazine eo ilo ran eo kein ka 15 ilo ejja alliñ eo wõt enaj naetan Study Edition ak Magazine in Katak eo im jejamin leloke ilo jerbal in kwalok nan. Enaj wõr aolep kein katak ko jenaj aikwiji iumin juõn alliñ im bareinwõt bwebwenato ko jet me Ri Christian ro emwij air wujleplok air mour renaj itoklimo kake. Magazine in Lelok an Imõniaroñroñ enaj kaitoklimoen ejjab Ri Kennan ro wõt ak bareinwõt enaj lukkun kaitoklimoen ro rejjab Ri Kennan ro me rej tõmak ilo Bible eo. Ijo turãjet, Awake! (Ruj!) magazine eo ej kõmmane wõt ñan tokjen eo an aolep armij ro, ekoba ro ewõr air bere kin katak ko ilo Bible im ro rej ba rejjab kabuñ in Christian.
3 Tokjen Ko: Ilo Magazine in Katak eo, ejamin juõn men in aikwij ñan kamelele kin nan ko einwõt “pioneer” ilo wãwen ko me ro rejjab Ri Kennan remaroñ melele. Magazine in emaroñ wõr bareinwõt katak ko raorõk kar keboji kin tokjen ko an elaptata ñan Ri Kennan ro an Jehovah im ri katak Bible ro rej wõnmanlok ilo men ko lor jitõb. Ak ta kin Magazine in Lelok eo? Kinke katak ko rej kãleti im wãwen eo rej jeiki, renaj keboje kin tokjen aolep armij ro, juõn eo ejjab juõn ian Ri Kennan enaj mõnõnõ in readi aolep kobban katak ko. Emol, aolep Ri Kennan ro an Jehovah renaj bõk tokjen ko jen air readi kajjojo magazine eo.
4 Wãwen Ko Rekãl: Ewõr jet wãwen ko rekãl im kairujruj rar karõk kin wãwen kajerbal magazine in lelok an Imõniaroñroñ. Juõn wãwen ej bwe renaj kamelele kin irinekatak ko jen Bible eo ilo juõn wãwen elamwan. Bar juõn enaj kwalok kin ewi wãwen Bible eo emaroñ jibañ family ko. Enaj kõlajrak jet karõk in katak Bible me jodikdik ro remaroñ kõmmane. Kajjojo magazine eo enaj wõr juõn katak me enaj kwalok ilo tibdikin eon ko ilo Bible me rej katakin kij kin kadkad ko kadkadin Jehovah.
5 Ilo aolep ailiñ ko ilo Micronesia bar juõn oktak ekairujruj rar karõk in kõmmane kin Imõniaroñroñ eo. Jino jen magazine in January 2008, magazine eo ilo kajjojo alliñ ilo kajin Chuuk, Kosrae, Palau, Pohnpei, im Yap renaj walok ilo ejja ien eo wõt an magazine eo ilo kajin English. Kajjojo week jenaj maroñ katak ejja katak eo wõt ilo Imõniaroñroñ eo einwõt ej walok ilo congregation ko ibelakin lal in.
6 Jej jar bwe Jehovah enaj kajerammõn lajrak in ekãl kin Imõniaroñroñ eo. Kimij kejatdikdik bwe magazine in, im bareinwõt Awake! (Ruj!), renaj tõbar elõñlok ro rej tellokiir bõk news eo emõn.—Mat. 10:11.