Kwon Juõn Dri Jibõñ Emõn ilo Kejem Eo
1. Ta tokjen ko jej bõki ilo ar kwalok nan iben bar juõn?
1 Juõn ien, Jisõs ear jilkinlok 70 dri kalor ro bwe ren kwalok nan, im ear “jilkinlok ir karuolok iman mejen.” (Luk 10:1) Alikar bwe karõk in ear kebellok ien bwe dri kalor ro ren jibõñ im rejañ dron ilo air kwalok nan. En ewi wãwen ar maroñ jibõñ dron ñe jej kwalok nan iben bar juõn dri kwalok?
2. Ñe eo mõtar ej kwalok nan, ewi wãwen im etke jen kar lukkun roñjake?
2 Roñjake: Ñe eo mõtõm ej kwalok nan kwon lukkun roñjake. (Jem. 1:19) Ñe ej riit juõn eon, kwon lore ilo Baibel eo am. Reilok ñõn eo ej konono, elañe ej eo mõtõm ak dri mweo. Elañe emõn am roñjake bwebwenato eo, men in emaroñ rejañ dri mweo bwe en bar kõmõn eindrein.
3. Ñãt, eo mõtar emaroñ kõnan bwe jen konono?
3 Kile Ien eo Emõn ñõn Konono: Ñe jej jerbal iben juõn im ej kwalok nan, jej koutieje ilo ar kõtlok bwe en tel. (Rom 12:10) Jen jab bõk ien an konono. Elañe ebin an uak ak dri mweo ej jumae ak kajitõk im eo mõtar ej kajitõk ar jibõñ e, jenaj kajeoñ in kemeleleiklok ijellokin ar bõkmantak juõn katak ekãl. (Ken. 16:23; Ekk. 3:1, 7) Elañe jej konono, nan ko ar ren kalikarlok unin tel eo jej konono kake.—1 Kor. 14:8.
4. Ta eo enaj kõmõn bwe jen lõñliñ im jerammõn ilo ien eo jej kwalok nan?
4 Ke dri kalor ro 35 im rar jerbal karuo iair im kamwij air kwalok nan, rar “jeblak ilo lõñliñ.” (Luk 10:17) Kij bareinwõt jenaj lo lõñliñ im jerammõn ilo ar kwalok nan ñe jej eoroñ dron im kile ien ekkar bwe jen konono im jibõñ eo mõtar ilo kejem eo.