Bo̦o̦k In Kajjitõk

◼ Jej aikuj ke jar aolep iien im aolep jikin me jej katak Baibõl̦ ippãn armej ro?

Ewõr tokjãn ko rem̦m̦an ñe jej jar m̦okta im ãlikin ad katak Baibõl̦ ippãn juon armej. Ilo ad jar, jej kajjitõk ippãn Jeova bwe en letok kajoor eo an ñan jipañ kõj ilo ad katak jãn Baibõl̦ eo. (Luk 11:​13) Ad jar ej bareinwõt jipañ ri katak eo ñan an kile joñan aorõkin an katak Baibõl̦. Im ilo ad jar, ri katak eo ej bar katak ewi wãween emaroñ jar ippãn make. (Luk 6:​40) Kõn men in, ãlikin jidik iien in am̦ etal im katak ippãn armej eo, elukkuun aorõk bwe kwõn jar ippãn. Bõtab, m̦okta jãn am̦ kõm̦m̦ane men in, ewõr jet men ko kwõj aikuj kõl̦mãnl̦o̦kjen̦ kaki m̦okta.

Juon iaan men kein ej ikijjeen ijo komiro ej katak ie. El̦aññe ejjel̦o̦k armej ijo, eokwe ilo tukadu kwõmaroñ jar m̦okta im ãlikin amiro katak. Bõtab, el̦aññe elõñ armej ijo im emaroñ kõm̦m̦an bwe ri katak eo am̦ en nana an mour, eokwe em̦m̦anl̦o̦k kwõn kõttar m̦ae bar juon iien im komiro ej make wõt. Jekdo̦o̦n ia ko jej katak ie, jej aikuj kõl̦mãnl̦o̦kjen̦ kõn men ko remaroñ wal̦o̦k m̦okta jãn ad jino jar ippãn ri katak ro ad.​—Jouj im lale peij 4 ilo Ad Jerbal ñan Aelõñ eo an M̦aaj 2005.