Bo̦o̦k In Kajjitõk
◼ Wõn ro rej aikuj kanne coupon ko ilo bok ko ad im bareinwõt form ko ilo Website eo ad?
Jet iien ilo bok ko ad, ewõr coupon ko im armej ro remaroñ kanne bwe Ri Kõnnaan ro an Jeova ren lol̦o̦k er. Jet rej bar kanne peba kein ñe rekõn̦aan bok ko ad. Bareinwõt, ewõr peba ak form ko ilo Website eo ad etan www.watchtower.org me armej ro remaroñ kanne ñe rekõn̦aan bwe juon en ilo̦k im katak Baibõl̦ ippãer. Men kein aolep rej jipañ elõñ armej ro bwe ren katak kõn m̦ool eo. Bõtab, jet iien ej wal̦o̦k apañ ko ñe jet ro jeid im jatid rej kanne peba kein ak form kein ñan ro nukũer, m̦õttaer im bar ro jet. Unin aer kanne peba kein ej kõnke rekõn̦aan bwe armej rein en wõr aer bok im ren katak kõn m̦ool eo.
Jet armej rej illu kõnke rel̦ak ilbõk doulul in ej make jilkinl̦o̦k bok ko ñan bo̦o̦k ko aer ilo aer jaje. Rej l̦õmn̦ak bwe doulul in ad ej kabn̦õn̦õik er im rejaje etke atõrej eo aer ej pãd ippãd. Jet iien men in ej wal̦o̦k ñan ri kwal̦o̦k naan ro me rar jitõñ er bwe ren lol̦o̦k armej eo me etan epãd ilo coupon ak form ko me rar kanne. Bõtab, ri kwal̦o̦k eo el̦ak ilo̦k, armej eo ellu kõnke ejaje kõn men in. Kõn men in, ñe juon armej ej itoklimo, e eo ej aikuj make in kanne peba kein. Ri kwal̦o̦k naan ro ren jab kanne peba kein ñan ro jet ekoba ro nukũer ak ro m̦õttaer. Ñe Ra eo ej kile bwe juon ri kwal̦o̦k ear kanne peba in ñan ro jet, reban loloorjake ak el̦l̦o̦k ñan peba in.
Ak kiiõ, ewi wãween jemaroñ jipañ juon nukũd ak juon m̦õttad bwe en katak kõn m̦ool eo? El̦aññe kokõn̦aan bwe en wõr an armej in bok, bõlen kwõmaroñ make jilkinl̦o̦k ñan e. El̦aññe armej eo ekõn̦aan bwe Ri Kõnnaan ro an Jeova ren lol̦o̦k e bõtab kwõjjab maroñ tõpare elder ro ilo bukwõn eo an armej in, eokwe kwõn kanne peba eo etan Please Follow Up (S-43) form. Ñe em̦õj, kwõn lel̦o̦k ñan em̦m̦aan eo ilo congregation eo am̦ me ej bõk eddon ripoot ko im jããn ko an congregation. Bõtab ñe armej eo ewõr an itoklimo ej pãd ilo kalbuuj ak aujpitõl̦, jouj im jab jilkinl̦o̦k peba ko ñan Ra eo bwe ren lol̦o̦k armej in. Kwõn rõjañe armej in bwe en make kajjioñ in tõpare ri kwal̦o̦k ro me rekõn lol̦o̦k jikin kalbuuj eo ak aujpitõl̦ eo ej pãd ie. Ñe eab, eokwe emaroñ make jejel̦o̦k ñan Ra eo.