Waanjoñak ko kõn Kilen Lel̦o̦ke Tũrããk In

Epãd Ia Uwaakin Kajjitõk ko me Ekkã an Armej Kajjitõk Kaki?

Ñe kwõj kwal̦o̦k tũrããk eo ñan armej eo ilo m̦weo, kõm̦m̦an bwe en lo taitõl̦ eo im kwõn ba: “Yokwe. Kõmij leto letak peba in ipel̦aakin lal̦ in ñan kwal̦o̦k kõn juon ennaan eaorõk. Eo, am̦ eo kaape.”

Ñe kwõj likũti tũrããk eo ilo m̦õko ejjel̦o̦k armej ie, likũti ijo me armej in ijoko jet reban loe, im jab lukkuun nukuji ñe ejjab menin aikuj.

Ñe armej eo ilo m̦weo eitoklimo im ekõn̦aan bwebwenato, kwõmaroñ kwal̦o̦k kajjitõk eo itum̦aanin tũrããk eo im kajjitõk ippãn ewi wõt iaan uwaak ko itulal̦ ej errã ie. Ãlõkl̦o̦k ñan lowaan tũrããk eo im kwal̦o̦k ta eo Sam 119:114, 160 (UBS) ej ba. Kõmel̦el̦eiki bwe tũrããk in ej kwal̦o̦k kõn Weep jait eo me emaroñ jipañe ñan lo uwaakin kajjitõk ko jãn Baibõl̦. Bõlen kwõmaroñ kaalwõje kõn pija eo etan, Etke Kwõj Aikuj Katak Baibõl̦? M̦okta jãn am̦ etal, kwal̦o̦k kajjitõk ko jilu itulikin tũrããk eo im kajjitõk ippãn ewi wõt iaaer ekõn̦aan bwebwenato kake. Kajjitõk ñe kwõmaroñ bar ro̦o̦ll̦o̦k im kwal̦o̦k kilen an etal ñan Internet im pukot uwaak eo jãn Baibõl̦. Ñe kwõbar ro̦o̦ll̦o̦k, komiro maroñ etal ñan jw.org/mh im jiped ijo me ej ba BOK IM KEIN KATAK > BOK IM BROCHURE.

Ñe kwõj leto letak peba in kũr eo ñan kweilo̦k el̦ap, kwõmaroñ kobaiki ippãn tũrããk eo im ba, “Kõmij bar lewaj juon am̦ peba in kũr ñan juon ammim kweilo̦k el̦ap me aolep rej ruwainene in itok ñane.”

Naan in Keeañ O̦kwõj 1

Ñe kwõj kwal̦o̦k naan ilo Jãdede im Jabõt, kwõmaroñ jitõñl̦o̦k ñan Naan in Keeañ eo an O̦kwõj im ba: “Kõm kõn̦aan bar lewaj bok in ekããl. Bok in ej kwal̦o̦k uwaakin kajjitõk in, Anij ej ke l̦õmn̦ak kake eok?”