Kõjerbal Tũrããk eo Ekããl kõn Weep Jait eo Ad

Etan tũrããk in ej, Epãd Ia Uwaakin Kajjitõk ko me Ekkã an Armej ro Kajjitõk Kaki? Ewõr jilu kajjitõk ko itulikin tũrããk in. Ñe kwõj kõnono ippãn juon armej, kwõmaroñ kajjitõk ippãn ewi wõt iaan kajjitõk kein me ekõn̦aan bwebwenato kake. Innem, kwõmaroñ jitõñl̦o̦k ñan Weep jait eo ad im ba bwe en etal ñan ijo ej ba BOK IM KEIN KATAK > BOK IM BROCHURE ñan pukot uwaakin kajjitõk eo an. Im ilo weep jait eo, enaaj bar lo uwaakin kajjitõk kein, Ta in Aelõñ eo an Anij? Im ta eo Aelõñ eo an Anij enaaj kõm̦m̦ane?

Em̦m̦an ñe aolep iien kwõj bõk tũrããk in ippam̦ bwe kwõn maroñ lel̦o̦k ñan armej ro, im jipañ er ñan jel̦ã ta eo Baibõl̦ ej ba kõn kõjatdikdik eo kõn ilju im jekl̦aj ium̦win kien ak Aelõñ eo an Anij.