Kwal̦o̦k kõn jw.org Ñe Kwõj Kwal̦o̦k Naan

Weep jait eo ad ej juon kein jerbal me el̦ap an jipañ kõj ñan kajeeded nuuj eo em̦m̦an ñan “ãne eo ettol̦o̦ktata ilal̦.” (Jrb. 1:8) Armej ro rejjab pãd im make jel̦ã kõn Weep jait eo ad ak jw.org. Unin aer maroñ jel̦ã kake ej kõnke juon rukwal̦o̦k naan ear kwal̦o̦k ñan er.

Juon em̦m̦aan me ej lol̦o̦k eklejia ko ear taunl̦outi kadede pija eo etan Etke Kwõj Aikuj Katak Baibõl̦? ilo jeel̦boon eo nejin, im jabdewõt armej ej iioone ej kaalwõje kõn pija in. Ñan waanjoñak, ke ear em̦ ñan em̦, ej ba ñan armej ro: “Ij jibadek jabdewõt armej im kwal̦o̦k ñan er ia eo remaroñ lo uwaakin kajjitõk kein jilu ie: Etke elukkuun l̦ap jorrããn im apañ ilo lal̦ in? Ewi wãween an naaj Anij kõm̦adm̦õdi men kein? Im ta ko jej aikuj kõm̦m̦ani ñan kijenmej kiiõ? Pija in me jejjo wõt minit aetokin enaaj kwal̦o̦k kõn kajjitõk kein jilu.” Innem ej jipede play im ej lale aer alwõje pija in. Joñan an em̦m̦an pija in, enañin aolep armej ro rej lukkuun al̦l̦añ kake im rej alwõje ñan jem̦l̦o̦kin. Innem, em̦m̦aan in ej ba: “Eokwe, kwaar roñ ilo jem̦l̦o̦kin pija in bwe ñe kokõn̦aan katak Baibõl̦, kwõmaroñ kanne form eo ilo Weep jait eo im kajjitõk bwe juon en iwõj im katak ippam̦. Ak kõnke ipãd ijin kadede, imaroñ katak jidik ippam̦ kiiõ.” El̦aññe armej eo ej ba em̦m̦an, ej jino an katak ippãn kõn bok eo Ennaan Em̦m̦an. El̦aññe ejjel̦o̦k an armej eo iien, ej kõm̦m̦an karõk ñan bar ro̦o̦ll̦o̦k ippãn. Bareinwõt, ñe em̦m̦aan in ej etal ñan im̦õn wia ko̦pe (coffee) ko im kakkije, ej jino an bwebwenato bajjek ippãn armej eo ej jijet iturin im tokãlik ej kwal̦o̦k naan ippãn ilo an ba ejja men ko wõt ear ba m̦oktal̦o̦k kõn pija eo. Kwõj ke kwal̦o̦k kõn jw.org ñe kwõj kwal̦o̦k naan?