Kõmel̦el̦eik Tõmak eo Ad kõn 1914

Baibõl̦ ej rõjañ kõj bwe jen “pojak iien otemjej in uwaak jabdewõt” kõn tõmak eo ad, ak jen kõm̦m̦ane men in ilo “ineem̦m̦an im kautiej.” (1 Pi. 3:15, UBS) Em̦ool bwe ewõr iien enaaj pen ñan kõmel̦el̦eik katak ko rem̦wilal̦ jãn Baibõl̦. Juon iaan katak kein ej kõn unin ad jel̦ã bwe Aelõñ eo an Anij ear jino tõl ilo 1914. Ñan jipañ kõj jel̦ã kõmel̦el̦eik men in, em̦õj kõpooj ruo katak me taitõl̦ier ej ba, “Bwebwenato kõn Baibõl̦—Ñããt eo Aelõñ eo an Anij Ear Jino Tõl?” Im katak kein rej pãd ilo Ad Jerbal ñan Anij in. Ilo am̦ lale katak kein, jouj im lale kajjitõk kein lal̦ tak kõn Cameron, rukwal̦o̦k naan eo me ilo katak ko ruo.

Elemen an kar . . .

• nõbare rũkkatak eo, maroñ jipañe bwe en jel̦ã ta eo erro jim̦or ej errã kake?​—Jrb. 17:22, UBS.

• kwal̦o̦k an ettã bũruon ke ear kwal̦o̦k kõn tõmak eo an?​—Jrb. 14:15, UBS.

Etke em̦m̦an an kar . . .

• ikkutkut an bar etali ta ko ej kab m̦õj aerro kõnnaan kaki?

• bar bõjrak jidik im kajjitõk ñe rũkkatak eo emel̦el̦e?

• jab kwal̦o̦k elõñ mel̦el̦e ilo juon wõt iien?​—Jon 16:12, UBS.

El̦ap ad kam̦m̦oolol Jeova, Rũkaki eo ad El̦ap, kõn an katakin kõj kilen ad maroñ kõmel̦el̦eik armej ro kõn katak ko rem̦wilal̦ jãn Baibõl̦!—Ais. 30:20, UBS.