Kilen Kwal̦o̦k Naan kõn Tebõl̦ ak Waan Bwilbwil Ko

Ñe jej kwal̦o̦k naan ilo̦bwilej ilo ad likũt bok ko ilo waan bwilbwil ko ak tebõl̦ ko, men in el̦ap an jipañ armej ro em̦ool bũrueer ñan itok ñan m̦ool eo. (Jon 6:65, UBS) Kõn men in, kar rõjañ em̦m̦aan ro rej lale eklejia ñan karõk bwe jet ren etal im kwal̦o̦k naan ilo jikin ko me elõñ armej rej itoitak ie im rej m̦õttan teretore (territory) eo an eklejia eo aer. Kõnke jemaroñ kõm̦akũt waan bwilbwil ko jãn ijoko jej kwal̦o̦k naan ie, emaroñ jab menin aikuj ñan kajjitõk mãlim ippãn ruutiej ro ak armej ro aer jikin eo ñe jemaroñ kõjerbal ijo. Wõn ro remaroñ bõk kun̦aaer ilo kilen kwal̦o̦k naan in? Ej rukwal̦o̦k ro rejel̦ã kwal̦o̦k lol̦o̦kjen̦, rejel̦ã kepaak armej ro rekããl im kõnono ilo jouj im kautiej ñan er, im rekanooj jel̦ã ta eo ren ba ñe rej kõnnaan ippãn armej. Jen etale ta ko rukwal̦o̦k ro rej aikuj kõm̦m̦ani im ta ko rejjab aikuj kõm̦m̦ani bwe ren lukkuun lo tõprak.