Ad Jokwane kõn Men ko Ewõr Ippãd Ej Jipañ Kõj ñan Nõbar Anij

Ilo raan kein, elukkuun lõñ men ko rej kõm̦m̦an bwe en pidodo ad m̦ad. Ñe jej etal in kaikujkuj im wiaiki m̦weiuk ko, men kein rel̦ap aer bõk iien ko ad im kajoor ko ad. Ejjab men in wõt, ak ebar l̦ap ad aikuj jol̦o̦k iien im maroñ ko ad ñan kõjerbali im kõjparoki bwe ren jab jorrããn im jako. Jijej ear jokwane wõt kõn men ko ewõr ippãn kõnke ear jab kõn̦aan bwe m̦weiuk ko ak men ko el̦ap an armej kõttõpari ren kadikl̦o̦k an kijejeto ilo jerbalin kwal̦o̦k naan.​—Mt 8:20, UBS.

Ta ko kwõmaroñ kõm̦m̦ani ñan am̦ maroñ kal̦apl̦o̦k ijo kun̦aam̦ ilo kwal̦o̦k naan? Baam̦le n̦e am̦ emaroñ ke kõm̦m̦an jet oktak ko bwe juon iaami en maroñ bainier? Im meñe kwõj juon eo ej rekũl̦ar bainier, jipejel̦ bainier, ak jerbal ilo betel̦, kwõj ke kõtl̦o̦k bwe m̦weiuk ko an lal̦ in ren kõm̦ad eok? Ad jokwane kõn men ko ewõr ippãd im poub ilo ad jerbal ñan Jeova ej mour eo em̦m̦antata im ekam̦õn̦õn̦õtata.​—1Ti 6:7-9.

Je oktak ko kwõmaroñ kõm̦m̦ani.