Kõn An kar Hezekaia Tõmak, Ear Bõk Jeraam̦m̦an

Kiiñ eo an Assiria etan Senakerib ear jilkinl̦o̦k rũtõl eo an eutiejtata ñan kaamijak armej in Jerusalem bwe ren bõjrak jãn aer l̦õmn̦ak in tarin̦aeiki. Elõñ naan ko RiAssiria ro rar ba ñan kajjioñ kabbeer RiJu ro bwe ren mijak in tarin̦ae.

• Remake iaaer. RiIjipt reban jipañ kom̦.​—Ais 36:6, UBS

• Pere. Jeova eban tarin̦ae ñan kom̦ bwe ejjab buñbũruon ippemi.​—Ais 36:7, 10, UBS

• Ebbeer. Kom̦ ban anjo̦ ioon jarin tarin̦ae in an Assiria me elukkuun kajoor.​—Ais 36:8, 9, UBS

• Kapo. Mour ko ami renaaj em̦m̦anl̦o̦k ñe kom̦ naaj kõtl̦o̦k an Assiria anjo̦ ioomi.​—Ais 36:16, 17, UBS

Hezekaia ear kwal̦o̦k an lõke wõt Jeova

37:1, 2, 14-20, 36

• Ear kõm̦m̦ane men ko emaroñ kar kõm̦m̦ani ñan kõpooj jikin in ñan tarin̦ae eo

• Ear jar im kajjitõk bwe Jeova en lo̦mo̦o̦ren er im ear kõkajoor tõmak ko an armej ro

• Kõn an kar tõmak, Jeova ear kajeraam̦m̦ane ilo an kar jilkinl̦o̦k juon enjel̦ bwe en m̦an aolep 185,000 rũttarin̦ae ro an Assiria ilo juon wõt boñ