Jipañ Ajri ro Nejũm̦ bwe en Wõr Aer Tõmak ilo Rũkõm̦anm̦an eo im en Pen Tõmak eo Aer ilo E

Menin kõm̦anm̦an ko rej kwal̦o̦k kõn aiboojoj eo an Jeova. (Sam 19:1-4; 139:14) Bõtab lal̦ in an Setan ej kowõnm̦aanl̦o̦k mel̦el̦e ko rejjab kautiej Anij me rebõd kõn wãween an kar ejaak mour (Rom 1:18-25, UBS) Ewi wãween am̦ maroñ kõjparok ajri ro nejũm̦ bwe l̦õmn̦ak rot kein ren jab ejaak ilo l̦õmn̦ak ko aer im bũrueer? Ej ilo am̦ jipañ er jãn ke rej dik wõt ñan jino wõr aer tõmak bwe Jeova ej lukkuun juon Anij im ej kea kake er. (2Ko 10:4, 5; Ep 6:16) Kõm̦m̦an bwe ren lukkuun kwal̦o̦k ta l̦õmn̦ak ko aer kõn men ko rej katak kaki ilo jikin jikuul̦, im kõjerbali kein jipañ im katakin ko ñan am̦ maroñ tõpar bũrueer.​—JK 20:5; Jem 1:19.

ALWÕJE PIJA EO WHAT YOUR PEERS SAY​—BELIEF IN GOD, IM ETALE KAJJITÕK KEIN:

• Ta l̦õmn̦ak eo an elõñ armej kõn tõmak ilo Anij?

• Ta eo kom̦ij katak kake ilo jikin jikuul̦?

• Ta eo ej kam̦ool ñan eok bwe Jeova ej lukkuun juon Anij?

• Ewi wãween am̦ maroñ jipañ ro jet ñan kile bwe Anij ear kõm̦anm̦an men otemjej?