Jipañ Baam̦le eo Am̦ ñan Keememej Wõt Jeova

Kar kããlõt Jeremaia ñan kakkõl RiJu ro kõn juon jorrããn enaaj wal̦o̦k kõn aer kar mel̦o̦kl̦o̦k Anij eo aer, Jeova. (Jer 13:25) Etke ear jorrããn jem̦jerã eo an aelõñ in ippãn Anij? Baam̦le ko an RiIsrael ro rar etal im jorrããn jem̦jerã eo aer ippãn Anij. Ealikkar bwe kajjojo iaan ro rej bõk eddon baam̦le ko rar jab l̦oore naanin tõl ko an Jeova ilo Duteronomi 6:5-7.

Rainin, baam̦le ko ekajoor jem̦jerã ko aer ippãn Jeova rej jipañ eklejia ko ñan aer kajoor wõt. Kajjojo iaan ro rej bõk eddon baam̦le ko remaroñ jipañ baam̦le ko aer ñan keememej wõt Jeova ilo aer lukkuun kõpooje im keini aer kõm̦m̦ane Iien Kabuñ an Baam̦le eo. (Sam 22:27) Ãlikin am̦ alwõje pija eo, “These Words . . . Must Be on Your Heart”​—Family Interviews, jouj im uwaaki kajjitõk kein:

• Ewi wãween an kar jet baam̦le lo tõprak ilo aer kõm̦m̦ane iien kabuñ an baam̦le ko aer meñe rar ioon apañ ko ekkã aer wal̦o̦k ilo iien kabuñ an baam̦le?

• Ta jet iaan jeraam̦m̦an ko jej bũki jãn ad lukkuun kõpooje im keini ad kõm̦m̦ane Iien Kabuñ an Baam̦le eo?

• Ñe ej itok ñan iien kabuñ an baam̦le, ta apañ ko ij jelm̦aiki im ewi wãween aõ maroñ kõm̦adm̦õdi?