Kwõmaroñ Rõjañ Juon eo ear Bõjrak jãn an Kweilo̦k im Kwal̦o̦k Naan

Kajjojo iiõ, elõñ ro rar bõjrak jãn aer kweilo̦k im kwal̦o̦k naan rej kobatok ilo iien Kwõjkwõj. Rar jino ettõr ilo iãekwõj eo ilo ial̦ eo ñan mour ak jidik kõn jidik ear etal im bõjrak aer ettõr kõn elõñ un ko, im jet iaan un kein rej wal̦o̦k ilo bok eo Jepl̦aak ñan Jeova. (Hi 12:1) Meñe ãindein, ak rein rej aorõk wõt ippãn Jeova, eo me ear wiaik er kõn bõtõktõkin Nejin. (Jrb 20:28, UBS; 1Pi 1:18, 19, UBS) Ewi wãween ad maroñ jipañ er jepl̦aak ñan eklejia eo?

Em̦m̦aan ro rej lale eklejia rej pukot ro ear bõjrak aer kweilo̦k im kwal̦o̦k naan ñan jipañ er, ãinwõt an juon rũlale jiip lukkuun pukot juon iaan jiip ko an rar jebwãbwe jãn bwij eo. (Lk 15:4-7, UBS) Men in ej kaalikkar joñan yokwe im kea eo ippãn Jeova. (Jer 23:3, 4) Ijoke, ejjab em̦m̦aan ro wõt rej lale eklejia rej rõjañ rein, kõj aolep jemaroñ kõm̦m̦ane men in. El̦ap an naaj buñbũruon Jeova kõn ad kate kõj ñan kwal̦o̦k yokwe im jouj ñan rein im men in emaroñ kajeraam̦m̦an kõj. (JK 19:17; Jrb 20:35) Kõn men in, l̦õmn̦ak kõn juon eo kwõmaroñ rõjañe im em̦m̦akũt ilo m̦õkaj!

ALWÕJE PIJA EO, ENCOURAGE THE INACTIVE ONES, IM UWAAKE KAJJITÕK KEIN:

• Ta eo Abbey ear m̦õkaj im kõm̦m̦ane ke ear iioone juon Ri Kõnnaan an Jeova me ear jab jel̦ã kajjien?

• Etke jej aikuj kepaake em̦m̦aan ro rej lale eklejia ñe jej l̦õmn̦ak in jipañ juon eo ear bõjrak jãn an kweilo̦k im kwal̦o̦k naan?

• Ewi wãween an Abbey kar kõppojakl̦o̦k im̦aan m̦okta jãn an lol̦o̦k Laura?

• Ewi wãween an kar Abbey kwal̦o̦k an tiljek, kijenmej, im yokwe ilo an kar kajjioñ rõjañ Laura?

• Ta eo jemaroñ katak jãn waanjoñak eo an Jijej ilo Luk 15:8-10 (UBS)?

• Ta jeraam̦m̦an ko rar wal̦o̦k jãn an kar ro jet jipañ Laura?