MOURIN KŨRJIN
En Jim̦we im Em̦m̦an men ko Jej Kõm̦m̦ani ilo Iien Ad Kwal̦o̦k Naan jãn Em̦ ñan Em̦
Kũrjin ro rej ãinwõt “men in alwõj ñan lal̦.” (1Ko 4:9) Kõn men in jejjab bwilõñ ñe jet rej lale kõj jãn wũntõ ko aer ak bõlen kãroñjake kõj jãn tulikin kõjãm ko aer. Bõlen ilo m̦õko im̦weer ewõr aer camera im remaroñ loe im roñ ainikied, innem remaroñ rekoote kõj. Eñin ej jet iaan wãween ko jemaroñ kõm̦m̦ani bwe en jim̦we im em̦m̦an men ko jej kõm̦m̦ani ñe jej pãd ilo nabõjin juon em̦.—2Ko 6:3.
IKIJJEEN M̦WILŨM̦ (Pil 1:27):
Kwal̦o̦k kautiej ñan rũm̦weo ilo ad jab allimõmõ ilo m̦õko im̦weer. Jab m̦õñã, idaak, ko̦o̦l̦, ak jeje ippãn ro jet ñe kwõj jutak nabõjin m̦weo
IKIJJEEN NAAN KO AM̦ (Ep 4:29):
Ñe kwõj pãd ilo kõjãmin juon em̦, jab ba jabdewõt men kwõban kõn̦aan bwe rũm̦weo en roñ. Jet rukwal̦o̦k rej kããlõt ñan jab keroro bwe ren maroñ pojak ñan jel̦ã ta eo renaaj ba ñan rũm̦weo