Kilen Jeje Lõta

• Kwõn kõjerbale atõrej eo am̦ make. Bõtab el̦aññe kwõj lo bwe ejjab em̦m̦an ñan kwal̦o̦k atõrej eo am̦, kwõmaroñ kõjerbale atõrej eo an Im̦õn Kweilo̦k eo ñe em̦m̦aan ro rej lale eklejia rej lewaj mãlim ñan kõjerbale. Ak jouj im JAB kõjerbale atõrej eo an ra eo.

• El̦aññe kwõjel̦ã etan armej eo, em̦m̦an kwõn je etan ilo lõta eo. Ilo wãween in, ri-m̦weo eban l̦õmn̦ak bwe lõta eo ej itok jãn peejnej ko me rej kõm̦m̦an karreelel.

• Lukkuun lale bwe en jim̦we am̦ jipeel̦ im karõki naan ko, im likũt period, comma, im ko ãierl̦o̦kwõt. Bareinwõt lõta eo en erreo im jab ettoonon. El̦aññe kwõj je lõta eo, en em̦m̦an el̦tan peim̦ bwe en pidodo aer riiti. Naan ko kwõj kõjerbali ren kwal̦o̦k jouj im kautiej ak eñjake eo ie en jab ãinwõt juon lõta in peejnej.

Waanjoñak eo ituanmoon̦ ej kwal̦o̦k wãween am̦ maroñ l̦oori boin kein. Ijoke lõta in ej juon waanjoñak wõt im ejjab mel̦el̦ein bwe kwõnaaj aikuj in l̦oore naan kõn naan ñe kwõj jeje ñan armej ro ilo teretore eo am̦. Kwõmaroñ ukote naan ko ekkar ñan men eo kokõn̦aan kwal̦o̦k naan kake, im ekkar ñan m̦anit eo ilo jikin eo im men ko rej wal̦o̦k ie.