Box In Kajitõk

◼ Etke jej aikwij kejbãrok ñe jej kwalok nan ikijen jeje letter?

Kwalok nan ikijen jeje letter ej juõn kõl emõn ñan jake news eo emõn. Bõtab, men ko rar walok ilo ran ko kiõ ilo lal rar kõmman bwe armij ren ekkõl ñan kabellok letter ko rej ruwamaejet kake. Envelope (kilen letter) ko jen ro rejaje kajjiir ak ejelok return address (address an armij eo ear jilkinlok letter eo) ekkã air watõke ilo ekkiljake, elaptata ñe rej jeje kin eltan peiir im elap kobban. Ri mweo emaroñ jolok letter rot in ilo an jab kabelloke. Ewi wãwen jemaroñ bõprae an walok men in?

Elañe emaroñ, kwon type letter eo im kilen letter eo jimor. Kajerbal etan armij eo ion kilen letter eo. Kwon jab je “Occupant” (Ri Jokwe) ion kilen letter eo. Bareinwõt, ien otemjej kwon likit juõn return address. Elañe ejjab juõn men in meletlet ñan kajerbal address eo am make, type ãt eo etõm im address eo an Kingdom Hall eo. Kwon jab jilkinlok letter ko ñe ejelok etan ak address an armij eo ej jilkinlok letter eo. Kwon jab kajerbal address eo an ra eo.​​—Lale November 1996 Ad Jerbal Ñan Ailiñ Eo Box in Kajitõk eo.

Jemaroñ lo nan in rejañ ko jet im juõn wanjoñok in juõn letter ilo book eo Benefit From Theocratic Ministry School Education, peij 71-3. Nan in tel kein renaj jibañ kij ñan kajerbal letter ko ilo juõn wãwen ekeie ñan jibadõk armij ro jet kin news eo emõn.