“Aolepen Lal̦ Kõnono Wõt Juon”

11:1-4, 6-9

Ilo kar Bebel, Jeova ear kajeplõklõk armej ro me rar jab pokake ikijjeen an kar pukwõj kajin eo aer. Rainin ej kakobaiktok juon jar el̦ap jãn aolep aelõñ im kajin im ej lel̦o̦k ñan er “tieer ko rerreo” ak kajin eo erreo bwe ren maroñ “kũr ñan etan Jeova bwe ren karejar ñan E kõn juon wõt bõro.” (Zp 3:9; Rev 7:9) Innem, ‘tie in erreo,’ ak kajin eo erreo ej m̦ool eo kõn Jeova im karõk ko an me rej wal̦o̦k ilo Baibõl̦.

Ñe juon ej katak juon kajin, elõñl̦o̦k men ko ej aikuj kõm̦m̦ani ijello̦kun an baj kakkilõklõk wõt naan ko rekããl. Ej aikuj ekkatak kilen l̦õmn̦ak ilo juon wãween ekããl. Ejja ãindeinl̦o̦k wõt, ilo ad katak kajin eo erreo kõn m̦ool eo, l̦õmn̦ak ko ad rej oktakl̦o̦k. (Rom 12:2) Men in ej juon men jej wõnm̦aanl̦o̦k wõt im kõm̦m̦ane im ej kõm̦m̦an bwe armej ro an Anij ren bõrokuk ippãn doon.​—1Ko 1:10.