Katakin Ro Jet kin Kajin eo Erreo
1 Meñe rej itok jen ‘ailiñ otemjej, im bwij otemjej, driloabjen otemjej, im konono otemjej,’ Ri Kennan ro an Jehovah rej juõn jar in armij eburukuk, juõn dolul emol in jimjãn jimjatin ibelakin lal. (Rev. 7:9) Ilo lal in ejebel rainin, ej juõn men ekabwilõñlõñ. Ewi wãwen an men in maroñ walok? Kinke kar letok ñan kij “oktak eo ñan juõn kajin erreo.”—Zeph. 3:9, New World Translation.
2 Tokjen ko Rekabwilõñlõñ: Ta kajin erreo in? Ej melele eo ejimwe kin mol eo jej loe ilo Nan in Anij ikijen Jehovah im karõk ko an, elaptata mol eo kin Ailiñ in Anij. Einwõt an kar Jesus kanan, mol in rej jaketo-jaketak kake ikijen ial in communicate eo jemaroñ loe ion lal, “dri korijer e tiljek im meletlet,” kin tokjen eo bwe armij ro “jen kajin ko otemjej an ri ailiñ ko” rej bõk kabuñ eo emol.—Mat. 24:45; Zech. 8:23, NW.
3 Ke armij rej katak kin kajin eo erreo, ej kamakit ir ñan ukõt mour ko air bwe en errã ibben kien ko an Jehovah. Rej katak ñan air “wãppenlok ilo juõn lemnok im juõn bebe.” (1 Kor. 1:10) Katak ko rekwojarjar ej bareinwõt kõmman bwe ren kwalok mwil emõn im nan ko remol im erreo, elaptata ikijen air kwalok news eo emõn ñan ro jet. (Taitõs 2:7, 8; Hib. 13:15) Oktak kein rekabwilõñlõñ rej kaibujuij Jehovah.
4 Ñan wanjoñok, juõn emaan eo ear roñjake news eo emõn jen juõn ri kwalok ear lõñ kajitõk ko an, im aolepeir kar uaki jen Bible eo. Men ko ear roñjaki kin an jelet buruen, rar kamakit e ñan jino an katak ruo alen ilo juõn week im bed ilo kwelok ko. Ear bwilõñ kin karuwainene emãnãn eo ear bõke ilo Kingdom Hall eo, ke elõñ ian ro rar kwelok rar itok jen bar juõn ailiñ. Ilo juõn ien ekadu, e im lio belen rar kõmman oktak ilo mour ko air im rar baptais. Jen ien eo ear jibañ enañin 40 armij ro jet ñan air karejar ñan Jehovah, ekoba elõñ ro uan family eo an. Meñe ej eñtan kin juõn jorrãn ilo enbwinin, ilo ien eo ej kab motlok ear jino jerbal einwõt juõn pioneer.
5 Katakin Ro Jet: Men ko rej walok ilo lal in rej kamakit elõñ armij ro emol burueir ñan bar etale lemnak im mour ko air. Einwõt Jesus, jej aikwij kõnan jibañ ir. Bar jeblak im Bible study ko rekeie rej key eo ñan jibañ ro emol burueir ñan katak kin kajin eo erreo.
6 Juõn wãwen ekeie ñan jerbal ibben ro reboub ej ñan kõmman juõn Bible study ekadu ñe kwoj jutak iturin kejam eo air. (km 5/02 p. 1) Kwonañin kajeoñ ke wãwen in? Ñe kwoj kebojak ñan kõmman juõn bar jeblak, kãlet juõn ennan jen January 2002 Ad Jerbal Ñan Ailiñ Eo peij eo iloa me ejejjet ñan ri mweo. Elõñ ian ennan ko ilo peij in kar eiki ñan kõmmane juõn etale ekajju kin Jen Kõmmõne brochure eo ak book in Jelãlokjen. Kamelmel in kwalok ennan eo bwe emaroñ emõn am wõnmanlok jen nan in kabellok eo ñan am etale juõn ian paragraph ko. Kãlet juõn ak ruo eon ko jen paragraph eo ñan read im etale, im keboj juõn kajitõk einwõt juõn nan in kajemlok. Men in enaj jibañ ñan tellok ñan paragraph eo kwoj karõk ñan etale ñe kwoj bar jeblak.
7 Armij ro an Jehovah rej lo elõñ jerammõn ko tokjen air katak kajin eo erreo. Jen kate kij ñan jibañ ro jet ñan koba ibbed ilo ad ‘kir etan Jehovah’ im ilo ad ‘jerbal ibben aera ñan aera.’—Zeph. 3:9, NW.