Kõjparok im Jab Kajeeded Mel̦el̦e ko Reriab

Rainin, elõñ mel̦el̦e ko remaroñ lito litak ñan elõñ milien armej ro ilo peba ko rej bũriini, ilo retio, tipi, im ilo internet. Ro rej kabuñ ñan “Anij in m̦ool” rejjab kõn̦aan kajeeded mel̦el̦e ko reriab, meñe ilo jirilo̦k. (Sam 31:5; Ex 23:1) Bwebwenato ko reriab me rej leto letak ñan ro jet remaroñ kõm̦m̦an el̦ap jorrããn. Ñan lale ñe juon men em̦ool, kajjitõk ippam̦ make:

• ‘Imaroñ ke lukkuun lõke ijo mel̦el̦e in ej itok jãne?’ Eo me ej kwal̦o̦k bwebwenato in emaroñ jab jel̦ã aolep men ko rar wal̦o̦k. Ñe armej ro rej kwal̦o̦k bwebwenato ko ñan ro jet, im armej rein jet rej etal im bar kwal̦o̦k ñan ro jet, bwebwenato ko remaroñ jino kiiõ oktakl̦o̦k, kõn men in, lukkuun kõjparok ñe kwõjjab lukkuun jel̦ã ia eo mel̦el̦e eo ej itok jãne. Ro ewõr aer eddo ilo eklejia eo, kõnke er eo jej reilo̦k ñan er ñan bõk mel̦el̦e ko, rej aikuj bar lukkuun kõjparok aer leto letak mel̦el̦e ko me ejjañin wõr aer kein kam̦ool kaki.

• ‘Naanin ke ruruwe men kein?’ Ñe ej kõnanaik ak ko̦kkure etan juon armej ak juon kumi in armej, em̦m̦anl̦o̦k ñan jab bar ãliji.​—JK 18:8; Pil 4:8.

• ‘Ej ke juon bwebwenato me elukkuun m̦ool?’ Lukkuun kõjparok ilo am roñjaki bwebwenato ko me rekairujruj im kãitoktoklimo.

ALWÕJE PIJA EO ETAN HOW CAN I STOP THE GOSSIP? IM UWAAKI KAJJITÕK KEIN:

• 

  Ekkar ñan Jabõn Kõnnaan 12:18, ta jorrããn ko remaroñ wal̦o̦k jãn naan ko jej ba?

• 

  Ewi wãween an Pilippai 2:4 jipañ kõj ñan jel̦ã kilen lale im kõjparok wãween ad kõnono kake ro jet?

• 

  Ta eo jej aikuj kõm̦m̦ane ñe ejino wal̦o̦k naanin kõnanaik ko ak naan ko rejjab em̦m̦an kõn ro jet?

• 

  M̦okta jãn ad jino kõnono kõn ro jet, ta kajjitõk ko jej aikuj kajitũkin kõj make kaki?