Kilen Bwe En Em̦m̦anl̦o̦k Wõt Ad Kwal̦o̦k Naan​—Kwal̦o̦k Naan Ilo Talboon

UNIN AN AORÕK KÕL IN: Kwal̦o̦k naan ilo talboon ej juon wãween eo eaorõk ‘bwe en lõt ad kwal̦o̦k kõn ennaan eo em̦m̦an.’ (Jrb 20:24)a Ej kõm̦m̦an bwe jen maroñ kwal̦o̦k naan ñan juon eo me jejjab maroñ iioone.

KILEN AM̦ KÕM̦M̦ANE:

• 

  Kõppojak. Kããlõt juon katak me ekkar. Im je naan ko me kwõj l̦õmn̦ak in ba. Kwõmaroñ bareinwõt kõpooj juon ennaan ekadu ñan kõmel̦el̦eik unin am̦ call el̦aññe machine men eo ej uwaak. Enaaj jipañ ñe kwõj jijetl̦o̦k ilo juon tebõl̦ ippãn naan ko em̦õj am̦ jei im kein jerbal ko jet me kwõnaaj aikuji, ãinwõt kein online ak device eo nejũm̦ bwe kwõn maroñ kõpel̦l̦o̦ke JW Library^® ak jw.org^®

• 

  Jab ikkũm̦kũm̦ im inepata: Kõnnaan ilo wãween am̦ kõnnaan aolep iien. Ettõñdikdik im wãween am̦ m̦akũtkũt ilo am̦ kõnono en ãinwõt ñe armej eo ej maroñ lo eok. Kajjioñ jab ebbõjrakrak ñe ejjab menin aikuj. Ej juon men el̦ap an jipañ ñe jej jerbal ippãn ro jet. Ñe ri-m̦weo ej kwal̦o̦k juon kajjitõk, kwõn ãliji kajjitõk eo ilo juon ainikien el̦l̦aaj bwe eo m̦õttam̦ en maroñ jipañ eok ñan pukot uwaak eo

• 

  Kõm̦m̦an ial̦an am̦ maroñ bar jepl̦aak. El̦aññe armej eo ej kwal̦o̦k an itoklimo, kwõmaroñ likũt juon kajjitõk bwe kwõn maroñ uwaake ñe kwõbar call. Kwõmaroñ bar kajjitõk ñe kwõmaroñ e-mail l̦o̦k ñane, ak bõkl̦o̦k juon men ñane, ak jilkinl̦o̦k juon iaan bok ko ad ilo mail. Ak kwõmaroñ kajjitõk ñe kwõmaroñ text e l̦o̦k ak e-mail e l̦o̦k juon iaan pijain alwõj ko ak katak ko ad. Ñe ekkar, ba ñan armej eo kõn men ko jet kõn weepjait eo ad